युरोपा लिगःआर्सनल र चेल्सी समूह विजेता हुदै नकआउट चरणमा प्रवेश

२८ मंसिर,काठमाडौ।युरोपा लिगमा बिहीबार राति भएको खेलमा चेल्सी मोल भिडीसँग २–२ गोलको बराबरीमा रोकिएको छ। तर चेल्सी समूह एल को विजेता बन्दै युरोपा लिगको नकआउट चरणमा प्रवेश गरेको छ ।

चेल्सीका लागि खेलको ३०औं मिनेटमा विलियनले गोल गर्दै अग्रता दिलाएका थिए । तर  ३२औं मिनेटमा चेल्सीका इथान अम्पाडुले आत्मघाती गोल गर्न पुगेपछि मोल भिडीले १–१ गोलको बराबरी बनाएको थियो ।

लाईक नेगोले गोल गर्दै मोल भिडीलाई २–१ गोलको अग्रता दिलाएका थिए । खेलको ७५औं मिनेटमा ओलिभर जिराउडले गोल गर्दै चेल्सीलाई २–२ गोलको बराबरी दिलाएका हुन् ।

बिहीबार रातिनै भएको अर्को खेलमा इंग्लिस क्लब आर्सनल समूह ‘ई’को विजेता बन्दै नकआउट चरणमा प्रवेश गरेको छ ।बिहीबार राति भएको खेलमा आर्सनलले एफके काराबागलाई १–० गोलअन्तरले पराजित गरेसँगै समूह विजेताको रुपमा नकआउट चरणमा प्रवेश गरेको हो । आर्सनलको जितमा एलेक्सन्ड्रे लेकाजेटले निर्णायक गोल गरे ।