राइड टु सिन्धुलीगढी साइकल यात्रा आज जनकपुर पुग्ने
सारांश
- समृद्ध सिन्धुली अभियानले सुरु गरेको राइड टु सिन्धुलीगढी साइकल यात्रा यो वर्ष जनकपुरसम्म विस्तार गरेको छ ।
- सोही क्रममा शनिबारदेखि काठमाडौँको पशुपतिनाथ मन्दिरदेखि सुरु भएको साइकल यात्रा आज जनकपुर पुग्दैछ ।
- सिन्धुलीगढीमा तत्कालिन ब्रिटिस कम्पनीको सेनालाई पराजित गरेको स्मरणमा राइड टु सिन्धुलीगढी साइकल यात्रा सुरु गरिएको हो ।
समृद्ध सिन्धुली अभियानले सुरु गरेको राइड टु सिन्धुलीगढी साइकल यात्रा यो वर्ष जनकपुरसम्म विस्तार गरेको छ । सोही क्रममा शनिबारदेखि काठमाडौँको पशुपतिनाथ मन्दिरदेखि सुरु भएको साइकल यात्रा आज जनकपुर पुग्दैछ । सिन्धुलीगढीमा तत्कालिन ब्रिटिस कम्पनीको सेनालाई पराजित गरेको स्मरणमा राइड टु सिन्धुलीगढी साइकल यात्रा सुरु गरिएको हो ।
यसबर्ष जनकपुरमा विवाह पञ्चमीमा सहभागि गराउन साइकल यात्रीलाई जनकपुरसम्म लैजान लागिएको हो । जनकपुरधामसम्म हुने महोत्सवमा सानो पाइला, फ्याक्ट्स नेपाल, स्टोरी साइकल, कन्सेप्ट नेपाललगायतका संस्था सहआयोजकका रुपमा रहेका छन् । साइकल यात्रालाई विश्व साइकल यात्री पुस्कर शाह र अर्का चर्चित यात्री देवेन्द्र बस्नेतले गरेका छन् ।
यसपटक साइकल यात्रामार्फत् काठमाडौँ, ऐतिहासिक सिन्धुलीगढी सांस्कृतिक सह जनकपुरधामलाई जोडेर विश्वसामु परिचित गराउने उद्देश्य रहेको साइकल यात्राका संयोजक सौरभ ढकालले जानकारी दिए ।
गत २ वर्षदेखि सुरु भएको साइकल यात्रा सिन्धुलीगढीसम्म हुँदै आएको थियो । यो वर्ष जनकपुरसम्म विस्तार गरिएको साइकल यात्रामा २ सय भन्दा बढी साइकल यात्री सहभागि छन् ।
प्रतिक्रिया