राज्य व्यवस्था समितिमा रास्वपा सभापति लामिछाने रहने

काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछाने संसदको राज्य व्यवस्था तथा सुशासन समितिमा रहने भएका छन् । नवनिर्वाचित सांसद लामिछाने प्रतिनिधिसभा अन्तर्गतको उक्त समितिमा रहने भएका हुन् ।

शुक्रबार बसेको प्रतिनिधिसभाको बैठकमा सभामुख देवराज घिमिरेले लामिछानेको नाम सो समिति सदस्यमा प्रस्ताव वाचन गरेर सुनाएका थिए । मंसिर ४ गतेको प्रतिनिधिसभा सदस्यको निर्वाचनमा चितवनको क्षेत्र नं. २ बाट विजयी बनेका लामिछानेको नागरिकता विवादका कारण माघ १३ गते सांसद पद गएको थियो ।

प्रतिनितधिसभा सदस्य पद रिक्त भएसँगै आइतबार भएको उपनिर्वाचनबाट लामिछाने सोही निर्वाचन क्षेत्रबाट भारी मतान्तरले विजयी भएका थिए । उनले दोश्रो पटक शुक्रबार मात्रै सभामुख घिमिरेबाट प्रतिनिधिसभा सदस्यको पद तथा गोपनियताको सपथ लिएका थिए ।

(https://teamtapper.com)