राेमाञ्चक खेलमा नेपालकाे जित, राेहित बने नाएक !

काठमाडाैँ १६ असाेज । बंगलादेशमा जारी यु१९ एसिया कप क्रिकेट प्रतियाेगितामा नेपालले अाफ्नाे पहिलाे जित दर्ता गरेकाे छ । मंगलबार भएकाे राेमाञ्चक खेलमा नेपालले युएइलाई ३ विकेटले हराउँदै पहिलाे जित दर्ता गरेकाे हाे ।

युएइले दिएकाे २ सय ६९ रनकाे लक्ष्य नेपालले ७ विकेट गुमाएर ४९ दशमलब ३ अाेभरमा भेटाएकाे थियाे । नेपालका लागि राेहित पाैडेलले ३ छक्का र ६ चाैका प्रहार गर्दै ८८ बलमा सर्वाधिक ९२ रन बनाए भने सन्दिप जाेराले अर्धसतकिय पारी खेल्दै ६७ रन बनाएका थिए । त्यस्तै अन्त्यमा अाएका रसिद खानले अाक्रामक ब्याटिङ् गर्दै  १४ बलमा ३ छक्काकाे मद्दतले २७ रन बनाएका थिए ।

यसअघि टस जितेर पहिले ब्याटिङ् गरेको युएइले निर्धारित ५० ओभरमा राम्रो प्रदर्शन गर्दैै २ सय ६८ रन बनाएको थियो । युएइलाई राम्रो सुरुवात दिने क्रममा फहज नवाज र अन्स टन्डनले १ सय ५९ रनको प्रारम्भिक साझेदारी गरेका थिए । आउट हुनुअघि टन्डनले ६७ र नवाजले ८४ व्याक्तिगत रन बनाएका थिए । नेपालका लागि भने पवन सर्राफ, नन्दन यादव र रसिद खानले समान दुई दुई विकेट लिएका थिए ।

नेपाल र युएइ प्रतियाेगिताबाट यस अघि नै बाहिरीसकेका थिए ।