संघीय नेपालको पहिलो संसद वैठक आज, के होला वैठकमा !
सारांश
- शिखरन्यूज, काठमाडौं, फागुन २१- नेपालमा पहिलो पटक संघीय संसदको पहिलो वैठक आज सोमबार बस्दैछ ।
- संघीय संसदमा प्रतिनिधिसभा र राष्ट्रियसभाका सदस्यहरु रहनेछन् ।
- संघीय संसदका सांसदले हिजो छुट्टाछुट्टै पद तथा गोपनीयताको सपथ लिइसकेका छन् ।
शिखरन्यूज, काठमाडौं, फागुन २१- नेपालमा पहिलो पटक संघीय संसदको पहिलो वैठक आज सोमबार बस्दैछ । संघीय संसदमा प्रतिनिधिसभा र राष्ट्रियसभाका सदस्यहरु रहनेछन् । संघीय संसदका सांसदले हिजो छुट्टाछुट्टै पद तथा गोपनीयताको सपथ लिइसकेका छन् ।
संविधान जारी भएपछि मंसिर १० र २१ मा भएको चुनावबाट निर्वाचित संघीय संसदको पहिलो अधिवेशनलाई राष्ट्रपतिले सम्बोधन गर्नुपर्ने व्यवस्वस्था छ ।
आज बस्ने दुवै सदनको पहिलो बैठक भने छुट्टाछुट्टै बस्ने कार्यक्रम छ । तर, जुनसुकै वैठकमा पनि राष्ट्रपतिले सम्बोधन गर्न सक्ने संघीय संसद सचिवालयका प्रवक्ता भरतराज गौतमले बताए ।
आज दिउसो ४ बजे दुवै सदनको बैठक आआफ्नो हलमा हलमा छुट्टाछुट्टै बस्नेछ । त्यसपछि पहिलो बैठकमा अधिवेशन आह्वान भएको जानकारी राष्ट्रपतिको पत्र पढेर सुनाएपछि वैठक शुरु हुने संघीय संसद् सचिवालयले जनाएको छ ।
प्रतिनिधिसभाको पहिलो बैठकले अन्तरिम कार्यविधि पारित गर्दै सभामुखको चुनावको मिति घोषणा गर्नेछ । राष्ट्रिय सभाको पहिलो बैठकले बैठक सञ्चालनको अन्तरिम कार्यविधि पारित गरेर अध्यक्षको निर्वाचन मिति तोक्ने बताइएको छ । यसरी पहिलो वैठकमा दुै सदनलेको वैठक बस्ने संघीय संसद सचिवालयले जनाएको छ ।
प्रतिक्रिया