सिन्डिकेट हटाउन लागिपरेका भट्टराईलाई मन्त्रीले सरुवा गरेपछि…

काठमाडौं, ४ जेठ – यातायात क्षेत्रमा देखिएको सिन्डिकेट हटाउन महत्वपूर्ण भूमिका खेलेका व्यवस्था विभागका महानिर्देशक रूपनारायण भट्टराईलाई मन्त्रालयमा सरुवा गरिएको छ ।
भौतिक योजना तथा यातायातमन्त्री रघुवीर महासेठको नेतृत्वमा वैशाख ३१ मा बसेको बैठकले मन्त्रालयमा तान्ने निर्णय गरेको हो ।

भौतिक योजना तथा यातायातमन्त्री महासेठले विभागका महानिर्देशक भट्टराईलाई मन्त्रालयमा तानेका हुन् ।  मन्त्रीस्तरीय एकल निर्णयबाट मन्त्रालयमा सरुवा गरिएको हो ।

मन्त्रालयका अनुसार भट्टराईलाई काजमा ल्याइएको हो । तर, महानिर्देशक भट्टराईलाई व्यवासयीलाई सहयोग नगरेको भन्दै मन्त्रीले मन्त्रालयमा सरुवा गरेको स्रोतले जनाएको छ ।यातायात क्षेत्रको सिन्डिकेट अन्त्य र अन्य समस्या सुधारका लागि काम गरिहरहेका भट्टलाईलाई मन्त्रालय तान्नुलाई मन्त्रीलाई शंकास्पद रुपमा हेरिएको छ ।

भट्टराईले मन्त्रालयको काममा असहयोग गरेको आरोप लागेको थियो । भट्टराई विभागमा २०७४ चैत २२ मा हाजिर भएका थिए । महानिर्देशक भट्टराईले आफूलाई सरकारले गरेको सरुवा आफूलाई स्विकार्य भएको बताएका छन् ।