सडक नाटकको ३५ वर्ष !

काठमडौँ, २० भदौ । नेपालमा नाटकको सूरुवात वि.सं. १८०० को मध्येतिर भएपनि यसको आधुनिकिकरण बालकृष्ण समको उदय पश्चात भएको हो । बालकृष्ण समको मुटुको व्यथालाई पहिलो आधुनिक नेपाली नाटक मान्ने गरिन्छ । त्यसपछि भने लगातार नाटकहरु लेखिए । तर नाटक तब मात्र नाटक हुन्छ जब त्यो मञ्चमा मञ्चन गरिन्छ ।

राणाकाल देखि नै उनीहरुको मनोरञ्जनका लागि गरिने नाटक सर्वसाधारणको पहुँचसम्म पुग्न धेरै समय लाग्यो । वि.सं. २०१४ सालमा कला एकेडेमी अर्थात हालको प्रज्ञा प्रतिष्ठानको स्थापना भएपछि नाटक लगातार मञ्चन हुन थाल्यो । त्यहाँको पैसा धेरै भएपछि लेखिएका सबै नाटक मञ्चन हुन सकेनन् ।

३५ वर्ष अघि वि.सं. २०३९ साल भदौ २० मा अशेष मल्ल र समूह मिलेर सुरु गरेको सडक नाटक निकै प्रभावकारी बन्यो । नाटकका लागि मञ्च नै चाहिन्छ भन्ने धारणा सडक नाटक सूरु भएपछि तोडियो । नाटक मञ्चनका लागि एकमात्र ठाउँ प्रज्ञा प्रतिष्ठान पनि महंगो भएपछि सडक नाटक धेरैले अनुकरण गर्न थाले ।

त्यसपछि लगातार देशका विभिन्न ठाउँमा गएर अशेष मल्लको नाट्य समूहले सडक नाटकहरु ग¥यो । अशेष मल्ल नेपाली सडक नाटकका जन्मदाता तथा रंगमञ्चका प्रणेता हुन् । अशेष सर्वनाम थिएटरका संस्थापक तथा निर्देशक हुन् ।