सत्य निरुपण तथा बेपत्ता छानबिन आयोग विधेयक आइतबार नै राष्ट्रियसभाबाट पारित
सारांश
- काठमाडौं।
- राष्ट्रियसभाले वेपत्ता पारिएका व्यक्तिको छानवीन, सत्य निरुपण तथा मेलमिलाप आयोग (दोश्रो सशोधन) विधेयक २०७५ सर्वसम्मति पारित गरेको छ।
- समय अभावको कारण देखाउदै नियम निलम्बन गरेर विधेयक आइतबार नै पारित गरेको हो।
काठमाडौं। राष्ट्रियसभाले वेपत्ता पारिएका व्यक्तिको छानवीन, सत्य निरुपण तथा मेलमिलाप आयोग (दोश्रो सशोधन) विधेयक २०७५ सर्वसम्मति पारित गरेको छ।
समय अभावको कारण देखाउदै नियम निलम्बन गरेर विधेयक आइतबार नै पारित गरेको हो। विधेयक पारित गर्नका लागि आइतबार ३ वटा बैठक बसेका थिए। सरकारको तर्फबाट पहिलो बैठकमा टेबल भएको विधेयकलाई नियम निलम्बन गरेर आइतबार नै बसेको तेश्रो बैठकले सर्वसम्मति पारित गरेको हो।
विधेयकमा संशोधनको सूचनामा रहेको ७२ घण्टाको प्रावधानलाई नियम निलम्बन गरी आइतबार नै २ बजेर ४५ मिनेट सम्मको समय तोकिएको थियो। विधेयकमाथि कुनै पनि संसोधन प्रस्ताव नपरेपछि तेश्रो बैठकले विधेयक सर्वसम्मति पारित गरेको हो।
विधेयकमा २०७५ चैत्र मसान्त भित्र काम सक्ने गरि दुवै आयोगको समय थप गरिएको छ। थप गरिएको समयमा पनि काम सकिएन भने सोही मितिमा आयोगका पदाधिकारीको म्याद पनि सकिने तर आयोग जिवितै राख्ने प्रावधान सहित विधेयकमा संशोधन गरिएको छ। वेपत्ता पारिएका व्यक्तिको छानविन र सत्य निरुपण तथा मेलमिलाप आयोगको म्याद माघ २६ गतेसम्मका लागि मात्रै थियो।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
सम्बन्धित खबर
तपाईंले छुटाउनुभयो कि?
प्रतिक्रिया