सप्तरीको मलेठ घटनाबारे प्रधानमन्त्री र आयोग को कुरा बाँझीयो ?
सारांश
- जनकपुर भदौ,२।
- शनिबार प्रदेश २ को संसद्मा सम्बोधन गर्दै प्रधानमन्त्री ओलीले सप्तरी घटनाबारे केही बोलेका थिए।
- प्रदेश २ को संसदमा सम्बोधन गर्दै प्रधानमन्त्री ओलीले आमसभा सकेर राजमार्ग पुगेपछि गोली चलेको बताएका छन्।
जनकपुर भदौ,२। शनिबार प्रदेश २ को संसद्मा सम्बोधन गर्दै प्रधानमन्त्री ओलीले सप्तरी घटनाबारे केही बोलेका थिए। प्रदेश २ को संसदमा सम्बोधन गर्दै प्रधानमन्त्री ओलीले आमसभा सकेर राजमार्ग पुगेपछि गोली चलेको बताएका छन्। मेची-महाकाली चुनावी अभियानका क्रममा फागुन २३ गते सप्तरीको मलेठमा आयोजित सभाको विरोधमा उत्रिएका लोकतान्त्रिक मधेसी मोर्चाका प्रदर्शनकारीहरुमाथि प्रहरीले चलाएको गोलीबाट ५ जनाको ज्यान गएको थियो।
सम्बोधनमा प्रधानमन्त्री ओलीले भने, ‘म जनतालाई आफ्नो कुरा भन्न गएँ केही कुराहरु भनेँ। र, म फर्किएँ। हामी हाइवे पुगेपछि गोली चल्यो। सभा सिद्धिएपछि गोली किन चल्यो? कसले चलायो र किन चलायो?’उनले सम्बोधनमा थपे, आमसभा सकिएर राजमार्गमा पुगेपछि मैले सुनेँ– गोली चल्यो रे ।
आयोग को प्रतिवेदन मा एस्तो छ – ओलीले बोल्दै गर्दा गोली चल्यो
मानवअधिकार आयोगको प्रतिवेदनमा भने ओलीले सम्बोधन गरिरहँदा नै गोली चलेको बताएको छ। प्रतिवेदनमा भनिएको छ– ‘केपी शर्मा ओलीले बोल्दै गर्दा मोर्चाका कार्यकर्ताहरु अत्यधिक आक्रोशित भई पर्खाल नाघी कार्यक्रम स्थलमै प्रवेश गर्न खोज्दा त्यहाँ तैनाथ सशस्त्र प्रहरीले गोली चलायो। प्रहरीले चलाएको गोली लागि ३ जनाको घटनास्थलमै र २ जनाको उपचारको क्रममा मृत्यु भयो। कैयौं व्यक्तिहरु घाइते भए।’
असार ३२ मा सार्वजनिक गरिएको प्रतिवेदनमा भनिएको छ।
प्रतिक्रिया