सरापे र रेम्बो डिस्को गएर झगडा गरेपछि…

काठमाडौं, पुस १५ । जेठ ११ गतेबाट प्रदर्शनमा आउन लागेको फिल्म ‘झमक बहादुर’को ‘आमैले भन्थे धाराको पानी’ बोलको गीतमा यादव देवकोटा ‘सरापे’ र राजु कमेडी ‘रेम्बो’ लाई देख्न सकिन्छ ।

ओम सुनारले रिमिक्स गरेको गीतको म्यूजिक भिडियो डिस्कोमा सुटिङ गरिएको छ । डिस्कोमा अनुपविक्राम शाही, मिन तामाङ, सरापे र रेम्बोलाई देख्न सकिन्छ ।

हातमा बियर लिँदै नाचिरहेको बेलामा उनीहरुबीच एक आपसमा झगडा पर्छ । झगडा केटीको कारण परेको भिडियोमा देख्न सकिन्छ ।

कुसुम गजमेरको शब्द र रन्जित गजमेरको संगीत रहेको गीतलाई ‘झमक बहादुर’मा भने रिमिक्स गरिएका हो । रिमिक्समा ओमसँगै कविता श्रेष्ठ र मिस्टर आरजेको स्वर सुन्न सकिन्छ ।

निर्देशक भोमन कटुवालले क्लब डान्सको रुपमा प्रस्तुत गरिएको भिडियोलाई नयाँ पुस्तालाई मनपर्ने शैलीमा तयार पारेका छन् । फिल्मको ओएसटीको रुपमा प्रस्तुत गरिएको यो गीत ‘साइनो’ फिल्ममा समावेश गीतको रिमिक्स भर्सन हो ।