सांसदहरु कति बिरामी! ६ महिनामै ६८ लाख सकियो, कस-कसले लिए रकम नाम, सूचिसहित

काठमाडौं । संघीय संसदका सांसदहरुले बिरामी भएर ६ महिनाभित्रमा ६८ लाख रुपैयाँ सकेका छन् ।
प्रतिनिधिसभा र राष्ट्रियसभाका ४१ जना सांसदले छ महिना भित्रमा स्वास्थ्य उपचार गर्दा राज्यकोषबाट ६८ लाख ४ हजार रुपैयाँ लिएका हुन् ।

सांसदहरुले बिरामी भएर उपचारका लागि गत जेठ महिनादेखि कात्तिकसम्म उपचार खर्च लिएका हुन् । प्रतिनिधिसभाका १७ जना र राष्ट्रियसभाका ७ जना गरी २३ जनाले औषधि उपचारबापत रकम लिएका छन्। सांसदहरुले १५ सयदेखि २ लाखसम्म उपचार खर्च लगेका छन् ।

सांसदहरुले स्वास्थ्य उपचार खर्च बापत लिन पाउन रकम लिएका हुन् । राष्ट्रियसभा सदस्य रहेकी शान्तिकुमारी जिसीले दुईपटक २ लाख बढी रकम लगेकी छिन्। उनको मृगौलासम्बन्धी समस्याका कारण रकम लगेकी हुन् ।

संघीय संसद् सचिवालयका अनुसार प्रतिनिधिसभाकी सांसद आशाकुमारी विक, उमा रेग्मी, कल्याणीकुमारी खड्का, दिल कुमारी, नन्दा चपाई, प्रमिला राई, महेन्द्रकुमारी लिम्वु, विमला विश्वकर्मा, मैनाकुमारी भण्डारी, रंगमती शाही, रेनुका गुरुङ, बोधमायाकुमारी यादव, समिना हुसेन, सानु शिवा, विष्णु शर्मा, सीतादेवी यादव, ज्ञानकुमारी छन्त्यालले उपचार बापतको रकम लगेका छन् ।

त्यसैगरी गजेन्द्रबहादुर महत, घनश्याम खतिवडा, ध्रुवकुमार शाही, नवराज रावत, नन्दलाल रोका क्षेत्री, प्रकाश पन्थ, भीमवहादुर रावल, मानवबहादुर विश्वकर्मा, लीलानाथ श्रेष्ठ, यज्ञराज बोगटी, स्मृतिनारायण चौधरी रहेका छन्।

राष्ट्रियसभा अध्यक्ष गणेशप्रसाद तिमल्सिना, उपाध्यक्ष शशीकला दाहाल, त्यसैगरी कमलाकुमारी ओली, कविता वोगटी, प्रमिला कुमारी, मिना बुढा, विन्दादेवी आले राना, शान्तिकुमारी अधिकारी जिसीले रकम लगेका छन् ।

त्यसैगरी अगमप्रसाद वान्तवा राई, उदय शर्मा पौडेल, खिमकुमार विक, रामचन्द्र राई, सुरेन्द्रराज पाण्डेले रकम लगेका छन् ।