सिके राउतका १५ कार्यकर्तालाई मध्यरातमा छाडियो
सारांश
- सि.
- के.
- राउतविरुद्ध राज्य विरुद्धको संगठित अपराध अन्तर्गत मुद्दा चलाइएपछि हिजो उनको रिहाईको माग गर्दै लहानमा प्रदर्शन गर्ने क्रममा पक्राउ परेका २१ जनामध्ये १५ जनालाई गएराती अबेर छाडिएको छ ।
सि.के. राउतविरुद्ध राज्य विरुद्धको संगठित अपराध अन्तर्गत मुद्दा चलाइएपछि हिजो उनको रिहाईको माग गर्दै लहानमा प्रदर्शन गर्ने क्रममा पक्राउ परेका २१ जनामध्ये १५ जनालाई गएराती अबेर छाडिएको छ ।
इलाका प्रहरी कार्यालय लहानका प्रहरी नायव उपरीक्षक राजकुमार के.सी.ले शुक्रबार दिउँसो करिब साढे दुई बजेतिर पक्राउ परेका उनीहरुमध्ये १५ जनालाई छाडिएको बताए । बाँकी ६ जनालाई भने थप अनुसन्धानका लागि प्रहरी नियन्त्रणमै राखिएको जानकारी दिए ।
प्रहरी नायव उपरीक्षक के.सी.ले प्रहरी नियन्त्रणमै रहेका ६ जना स्वतन्त्र मधेश गठबन्धनको सिरहा जिल्ला परिषद् सदस्य र सकृय सदस्य रहेको खुलेको बताए ।
राउत विरुद्ध इलाका प्रहरी कार्यालय लहानमार्फत् राज्य विरुद्धको संगठित अपराध अन्तर्गत मुद्दा दायर गरी शुक्रबार दिउँसो सिरहा जिल्ला अदालतबाट अनुसन्धानका लागि १० दिनको म्याद थप गरिएको छ ।
बिहीबार दिउँसो धनुषाको जनकपुरबाट राउत पक्राउ परेका थिए ।
प्रतिक्रिया