सुरक्षाका लागि खटिएका प्रहरी कै अगाडि बम बिस्फोट

बागलुङ , मंसिर ५  सहकारी एवं गरिबी निवारण राज्यमन्त्री चम्पादवी खड्काको बागलुङ बजारस्थित घरमा बम बिस्फोट भएको छ । खड्काको बागलुङ नगरपालिका—२ लालीगुराँस चोक स्थित निवासमा गएराति  बम विस्फोट भएको हो ।

विस्फोटबाट घरको भुँइतलाको पर्खाल भत्किए पनि कुनै मानवीय क्षति नभएकाे जानकारि  प्रप्त भएकाे छ ।

निर्वाचनको संघारमा गरिएको बम विष्फोटन विप्लव नेतृत्वको नेपाल कम्युनिष्ट पार्टीले गराएको हुनसक्ने आशंका गरिएको छ । यद्यपी यसको पुष्टी भने भएको छैन ।

राज्यमन्त्री खड्का सोमबारको चुनावी अभियान,सकेर राति मात्रै घर आएकी थिइन् । उनको घरमा नियमित रुपमा प्रहरी सुरक्षाका लागि खटिए पनि कसरी बम बिस्फोट भने भन्ने प्रश्न समेत उठेको छ । यसबारेमा अनुसन्धान भइरहेको जिल्ला प्रहरी कार्यालय बागलुङका प्रहरी उपरीक्षक चन्द्रकुवेर खापुङले जानकारी दिए ।

विस्फोटपछि राज्यमन्त्री खड्काले लोकतन्त्रको रक्षा र महिला अधिकारको लडाइ बम आतंकले नरोकिने बताइन् ।

पछिल्लाे समयमा   देशैभरि चुनावकाे मुखमा बम पड्काउने गतिबिधि बढिरहेका छन ।