हेलिकोप्टर दुर्घटनामा पाइलटकै कमजोरी

फिस्टेल एयरको ‘नाइन एन एकेए एएस ३५० हेलिकोप्टर’ दुर्घटनाको अध्ययन गर्न बनेको जाँच आयोग २०७३ ले मानवीय त्रुटिका कारण दुर्घटना भएको निष्कर्ष निकालेको छ ।

जाँचबुझ गर्न सरकारबाट गठित आयोगका अध्यक्ष हरिभक्त श्रेष्ठले प्रतिवेदन बुझाउँदै उक्त हेलिकोप्टर मानबिय त्रुटिका कारण भएको बताएका छन् ।

क्याप्टेनको कौशलता र अनुभवको कमि भएकोले हेलिकोप्टर दुर्घटना भएको आयोगको निष्कर्ष छ ।

बादलभित्र रुमल्लिदा क्याप्टेनले चेतना गुमाएपछि हेलिकप्टरको मुख्य पंखा चुच्चेभीरको चट्टानमा ठोक्किएको आयोगले बुझाएको प्रतिबेदनमा उल्लेख गरिएको छ ।

संस्कृति , पर्यटन तथा नागरिक उड्डयनमन्त्री जीवनबहादुर शाहीले भने दुर्घटना जाँच आयोगले बुझाएको प्रतिवेदन कार्यान्वयन गर्ने बताए ।

मन्त्री शाहीले भने ‘ वीर गोर्खाली भएर जस्तोसुकै ठाउँ , मौसम र पास्थितिमा पनि जहाज लान्छौँ , जस्तोसुकै जोखिम मोलेर भए पनि उडान भर्छाै यस्तै कारण दुर्घटना हो । ‘

त्यस्तै मन्त्री शाहीले नेपालमा स्थायी किसिमको दुर्घटना जाँचबुझ आयोग गठन गर्नुपर्ने बताउँछन् ।