१० वर्षपछि यसरी खुल्यो पाकिस्तानी पूर्वप्रधानमन्त्री बेनजीर भुट्टोको हत्याको रहस्य

इस्लामावाद । हत्या भएको करीव १० वर्षपछि पाकिस्तानी पूर्वप्रधानमन्त्री बेनजीर भुट्टोको हत्याको रहस्य खुलेको छ । तालिवानका एक संस्थापक नेताले हालै प्रकाशन गरेको पुस्तकमा पाकिस्तानकी पूर्वप्रधानमन्त्री बेनजीर भुट्टोको हत्या तालिवानले गरेको भनी जिम्मेवारी लिइएको छ ।

पूर्वप्रधानमन्त्री भुट्टोले अमेरिकासँग मिलेर “मुजाहिद्दिन–ए–इस्लाम” विरुद्ध एक्सन लिने योजना बनाएकाले उनको हत्या गरेको तालिवानका संस्थापक नेता बैतुल्लाह मेहसुदद्वारा लिखित पुस्तकमा दाबी गरिएको छ । भुट्टो सत्तामा फर्किएपछि अमेरिकासँग मिलेर “मुजाहिद्दिन–ए–इस्लाम”विरुद्ध कारवाही गर्ने योजनामा थिइन् भन्ने दावी पुस्तकमा गरिएको छ ।

सन् २००७ मा आत्मघाती बम हमलामा मारिएकी भुट्टोको हत्याको जिम्मेवारी आजसम्म कुनै संगठनले लिएको थिएका थिएनन् । तालिबानका संस्थापकले लेखेको “इन्क्लाब महसुद दक्षिणी बजिरिस्तानः ब्रिटिस राज्यदेखि अमेरिकी साम्राज्यवादसम्म” नामक पुस्तकमा पहिलोपटक यो हत्याको जिम्मेवारी लिइएको हो । पाकिस्तान पिपुल्स पार्टीकी प्रमुख भुट्टोको २७ डिसेम्बर २००७ मा चुनावी सभालाई सम्बोधन गरी फर्किने क्रममा आत्मघाति हमलामा मृत्यु भएको थियो ।