५० करोडको अफरले तनाब !

संसारका सबैभन्दा उत्कृष्ट मानिएका कलेज र विश्वविद्यालयमा पढ्नु विद्यार्थीको सपना हुने गर्छ । त्यस्ता कलेजमा पढ्नको लागि विद्यार्थीहरुले निकै कठिन परिश्रम गर्छन् । तर यहाँ घटना ठिक उल्टो भएको छ । एक छात्रालाई आफ्नो विद्यार्थी बनाउन उत्कृष्ट कलेजहरुको लाइन लागेको छ ।

अमेरिकाका सबैभन्दा उत्कृष्ट मानिएका सबै कलेजहरु एक १७ वर्षीया छात्रालाई आफ्नो विद्यार्थी बनाउन लालायित छन् । त्यसका लागि कलेजहरु करोडौं मूल्य चुकाउन पनि तयार छन् । यी किशोरीको नाम ज्यासमिन ह्यारिसन हो । ज्यासमित उत्कृष्ट ‘मेरिट’का साथ भर्खरै हाइस्कुल ग्रयाजुएट भएकी छिन् । यसपछि उनले बायोलोजीमा डिग्री गर्ने सोचसहित कलेजहरुमा अप्लाइ गरिन् । यसको नतिजा यतिसम्म अविश्वसनीय देखियो कि यहाँका उत्कृष्ट कलेज सबैजसो उनलाई भनाइ गर्न लालायित देखिए ।

ज्यासमिनका अनुसार उनलाई सुरुमा २–३ वटा कलेजबाट भर्ना हुन अफर आयो । यसो हुँदा उनलाई खुसी लाग्यो । उनलाई लाग्यो कि अब उनले राम्रो कलेज पाउनेछिन् । तर, लगत्तै उनलाई ठूलो धनराशीसहितको छात्रवृत्तिको अफर आउन थालेपछि भने उनी चकित परिन् र उनलाई फैसला गर्नै कठिन हुन थाल्यो ।

यतिसम्म कि ज्यासमिनलाई साढे ४ मिलियन डलर अर्थात झण्डै नेपाली ५० करोड रुपैयाँसम्म छात्रवृत्तिको अफर आएको छ ।

यति धेरै कलेजबाट अफर आउनु ज्यासमिनको लागि भने निकै तनाव दिने कारण बनेको छ । उनलाई सही कलेज रोज्नै समस्या भएको छ । यद्यपि उनले आफ्नी आमासँग मिलेर निकै प्रयासपछि एउटा कलेज रोजेकी छिन् । अब उनी त्यही कलेजमा भर्ना हुँदैछिन् । बायोलोजीमा डिग्री लिएपटि उनी एनआइसियु अर्थात बच्चाको आइसियुकी नर्स बन्न चाहन्छिन् ।

(एजेन्सी)