​टेलिकमबाट कामिनीलाई हटाइँदै !

काठमाडौं, २७ साउन । नेपाल टेलिकमको आम्दानी निरन्तर घट्न थालेपछि सरकारको टाउको दुखाई बनेको छ । टेलिकमकी कार्यकारी प्रमुख कामिनी राजभण्डारीलाई यस विषयमा दुई महिना अगाडि सूचना तथा सञ्चार मन्त्रालयले ११ बुँदे स्पष्टीकरण सोधेको थियो । उक्त स्पष्टीकरणमा प्रमुख कार्यकारी राजभण्डारीले चित्त बुझ्दो जवाफ दिन सकेको थिएन । यससँगै कार्यकारी राजभण्डारी टेलिकमबाट हटाउन तयारी गरिएको छ ।

कार्यकारी प्रमुख नियुक्त हुँदा राजभण्डारीले प्रत्येक वर्ष २० प्रतिशतका दर आम्दानी बढाउने प्रतिवद्धता जनाएकी थिइन् ।दृष्टि साप्ताहिकका अनुसार तर, उल्टै आम्दानी बढ्नुको सट्टा घट्दै गएको छ । त्यो उनको प्रतिवद्धता माइनस १ प्वोइन्ट ५ प्रतिशतमा झरेको छ ।
त्यसैगरी कार्यकारी प्रमुख राजभण्डारीले वोर्ड बैठकसमक्ष गत आवमा ४५ अर्ब रुपैयाँ आम्दानी गर्ने लक्ष्य राखेकी थिइन् । तर, त्यो ३५ अर्ब झ¥यो । उनले सेवाको गुणस्तरसमेत बढाउन सकिनन् । फोरजी सेवा काठमाडौं र पोखराबाहेक अन्य सहरमा विस्तार हुन सकेन । यिनै कारणले गर्दा केही दिनभित्रै राजभण्डारीलाई कार्यकारी प्रमुखबाट हटाउने तयारी भइरहेको मन्त्रालय स्रोतले जनाएको छ ।