सार्वजनिक जग्गामा मनपरि गर्ने २० जनाविरुद्ध सार्वजनिक मुद्दा
सारांश
- काठमाडौं ।
- कञ्चनपुरको महेन्द्रनगरमा अवैध रूपमा जग्गा कब्जा गरी भवन बनाउने २० जनाविरुद्ध जिल्ला प्रहरी कार्यालय कञ्चनपुरले सार्वजनिक मुद्दा दर्ता गरेको छ ।
- प्रहरीले कञ्चनपुर खोकाछाप्रा समितिका अध्यक्ष देवलसिंह विष्टलगायत २० जनाविरुद्ध सार्वजनिक मुद्दा दर्ता गरेको हो ।
काठमाडौं । कञ्चनपुरको महेन्द्रनगरमा अवैध रूपमा जग्गा कब्जा गरी भवन बनाउने २० जनाविरुद्ध जिल्ला प्रहरी कार्यालय कञ्चनपुरले सार्वजनिक मुद्दा दर्ता गरेको छ । प्रहरीले कञ्चनपुर खोकाछाप्रा समितिका अध्यक्ष देवलसिंह विष्टलगायत २० जनाविरुद्ध सार्वजनिक मुद्दा दर्ता गरेको हो ।
प्रदेश सांसद, नेकपा, नेपाली कांग्रेस, पार्टीका विद्यार्थी संगठनले नगर विकास समितिको जमीनमा अवैध रूपमा बनिरहेका संरचना भत्काउन, निर्माणमा रोक लगाउनुपर्ने माग अघि सारेर जिल्ला प्रशासन कार्यालय र नगरपालिकालाई ज्ञापनपत्र बुझाएका थिए । त्यसपछि प्रहरीले सार्वजनिक मुद्दा दर्ता गरी पक्राउ गर्न थालेको हो ।
जिल्ला प्रहरी कार्यालय कञ्चनपुरका अनुसार सरकारी जमीन हडपेको आरोपमा आदेशानुसार पक्राउ गरी मुद्दा चलाएको बताए । स्थानीय ललित जोशी, पदमराज जोशी, मेघराज जोशी, धुव्रराज भट्ट, यज्ञराज ओझा, कमलापति भट्ट, मीना जोशी, रामनाथ योगी, हर्कबहादुर खडायतलगायत पक्राउ परेका छन् ।
प्रतिक्रिया