व्यक्तिगत रुपमा हतियार राख्नेहरु बढे

काठमाडौं । नेपालमा व्यक्तिगत रुपमा हतियार राख्नेहरु बढेका छन् । काठमाडौंमा १३ हजार जनाले लाइसेन्स लिएर व्यक्तिगत रुपमा हतियार राखेको भेटिएको छ ।

देशभर गरी ३५ हजारको हाराहारीमा हतियारको लाइसेन्स वितरण भएको अनुमान छ । लाइसेन्स लिएर कुनै पनि व्यक्तिले पेस्तोल, बन्दुक राख्न पाउने व्यवस्था छ ।

लाइसेन्स नै लिएर कानुनी रुपमा ती हतियार राखिएको हो । सरकारलाई भने हतियार राख्नका लागि नवीकरण गरेको वा नगरेको र र कुन कुन व्यक्तिसँग छ भन्ने जानकारी छैन । सरकारले १० वर्षसम्म निजी हतियारको लगत संकलन गर्न सकेको छैन ।

हतियार नवीकरण जुनसुकै जिल्लाबाट गर्न सकिन्छ । सरकारलाई जानकारी नहुँदा हतियारबारे प्रशासनलाई जानकारी नहुँदा अवैध रूपमा हतियार राख्ने बढेको अनुमान छ । लाइसेन्ससहित हतियार राख्नेको तथ्यांक लिन थालिएको गृह मन्त्रालयले बताएको छ ।