सगरमाथाको भ्रम अन्त्य हुन्छ : प्रधानमन्त्री ओली

काठमाडौं । प्रधानमन्त्री केपी शर्मा ओलीले नेपालकी प्रथम सगरमाथा आरोही महिला पासाङ ल्याहमु शेर्पा साहस र प्रेरणाकी स्रोत भएको बताएका छन् ।

पासाङ ल्याहमुले सगरमाथा आरोहण गरेको २६ बर्ष पुगेको अवसरमा मंगलबार आयोजित पासाङ प्रतिष्ठा दिवसरमा अवसरमा प्रधानमन्त्री ओलीले पासाङको आत्मविश्वास र साहसले सगरमाथाको आरोहण सफल भएको बताए ।

“पासाङ सम्पूर्ण नेपालीकी साहस र प्रेरणाकी स्रोत हुन्” प्रधानमन्त्री ओलीले भने, पासाङ ल्याहमुको स्मृतिलाई दीर्घकालीन बनाउन सरकार सकारात्मक रहेको स्पष्ट पारे ।

प्रधानमन्त्री ओलीले सगरमाथाको उचाइ नेपाल र चीन दुवैतिरबाट नापेर टुंगो लगाउने काम सुरु भएको बताउँदै “सगरमाथाको बारेमा भएका भएका भ्रमहरु अन्त्य गर्न यसपालि सरकारको तर्फबाट उचाइ नाप्ने काम हुँदैछ । यो कामलाई विवादरहित ढंगले टुंगिन्छ” ओलीले भने ।