मस्ती मुडमा प्रियंका—निक

मुम्बई । बलिउडकी चर्चित नायिका प्रियंका चोपडा आफ्ना पति गायक निक जोनको साथमा निकै मस्ती मुडमा देखिएकी छन् । यी दुईका कुनै पनि तस्वीर सार्वजनिक हुँदा सामाजिक सञ्जालमा निकै छरिने गर्छन् । यी दुईको कुनै पनि तस्वीर तथा भिडियो नेपालमा पनि भाइरल हुनेगर्छ ।

यसैबीच अहिले यो जोडी अमेरिकाको मियामी सिटीमा होलिडे मनाइरहेका छन् । प्रियंकाले पति निकसँग समुद्र तटमा गएर मस्ती गरेका तस्वीर सामाजिक सञ्जालमा शेयर गरेकी छन्, जुन अहिले बलिउडमा भाइरल भइरहेको छ ।

बिहे गरेको लामो समय नहुँदै यो जोडीको सम्बन्ध विच्छेद हुनसक्ने भन्ने हल्ला पनि बलिउडमा निकै थियो तर उनीहरूलाई यो हल्लाको कुनै प्रवाह नभएको देखिन्छ । उनीहरूले हल्लाको विषयमा कुनै पनि जानकार भएको या नभएको पनि खुलाएका छैनन् । यी दुईले सन् २०१८ डिसेम्बर १ मा बिहे गरेका थिए ।

अर्जुन कपुर मलाइका अरोराको घरमा, बुबाआमासँग हात माग्न गएको अनुमान !
मलाईका अरोरा र अर्जुन कपुरको प्रेम सम्बन्धको पारो दिनप्रति दिन चढिरहेको छ । दुवैको अफेयर्सको गसिपले बलिउड तात्तिन थालेको पनि लामै समय भइसकेको छ । उनीहरुको निकटता र बाक्लो भेटघाटलाई हेर्दा लाग्छ मलाइका र अर्जुन चाँडै विहे गर्दैछन् । हालै अर्जुन मलाईका बाबु आमालाई भेट्न घरमै पुगे ।

अर्जुन मलाईको घर के पुगेका थिए, चर्चाको शिखरमा पुगिहाले । गत शनिबार मलाईको घरमा अर्जुन भेटिएका हुन् । मलाईका आमा बाबुलाई भेटेर अर्जुनले के कुरा गरे त्यो सार्वजनिक त भएको छैन । तर धेरैले अर्जुन मलाईको हात माग्न घर पुगेको अनुमान लगाएका छन् । दुवै जहाँ जाँदा पनि सँगै देखिने गरेकाले पनि चाँडै यो सम्बन्धलाई औपचारिकता दिन खोजिएको अड्कल गरिएको छ ।

अर्जुनको परिवारबाट मलाइकालाई पहिले नै हरियो झण्डा देखाइ सकिएको छ । भनिन्छ अर्जुनको परिवारलाई मलाइकालाई बुहारीको रुपमा भित्र्याउन कुनै आपत्ति छैन । त्यसो त मलाईका ट्युनिङ अर्जुनकी बहिनी जाह्नवी कपुर र खुशी कपुरसँग पनि राम्रैसँग मिलेको छ ।

पछिल्लो समय मलाईका र अर्जुनको इन्टिमेसी र रोमान्टिक केमेष्ट्री सोसियल साइटहरुमा पनि छताछुल्ल हुने गरेको छ । दुवै एक अर्काको पोष्टमा हार्ट इमोजी पोष्ट गरिरहेका हुन्छन् । अब दुवैका प्रशंसक तथा बलिउडको चासो राख्नेहरु यी दुई साच्चीकै जोडी बन्छन् कि दुई दिनको रमाइलोका लागि मात्रै नजिकिएका हुन् त्यसैको प्रतिक्षामा रहेको छ । यदी विहे भइहाले मलाईको यो दोस्रो र अर्जुनको पहिलो विहे हुनेछ ।

साहिमाको आयो नयाँ तीज गीत
काठमाडौं । हरेक वर्ष तीज गीत सार्वजनिक गर्दै आइरहेकी गायिका सहिमा श्रेष्ठले यसवर्ष पनि नयाँ तीज गीत लिएर आएकी छन् ।सहिमाको तीज गीत ‘हर हर महादेव’ शनिबार राजधानीमा एक भब्य कार्यक्रमकाबीच सार्वजनिक गरिएको छ । यस गीतलाई पनि दर्शकरस्रोताले आफ्ना अघिल्ला तीज गीतझैँ रुचाउनेमा विश्वास व्यक्त गरेकी छन् । यस गीत मार्फत सहिमाले यो वर्षको तीजमा केही त होलाकी भन्ने आशय ब्यक्त गरेकी छिन् ।सहिमाले कयौं तीजमा व्रत बस्दा पनि कोही साथि नभेटिएको भन्दै यो वर्षको ब्रतले शिरमा सिन्दुर भरिदिने कोही आईदेउ भन्दै आग्रह गरेकी छिन् । गीतमा चर्चित संगीतकार सन्तोष श्रेष्ठले संगीत र अमर वान्तुले शब्द सिर्जेका छन् ।

कृष्ण पुनको एरेञ्ज रहेको गीतको भिडियोमा अभिनेत्री नीता ढुंगाना प्रमुख फिचर्ड छिन् । उनीसँगै गायिका श्रेष्ठले पनि गीतमा ठुम्का लगाएकी छन् । सूयोग्य पति माग्दै हरेक वर्ष तीजमा व्रत बसेको युवतीको कथा गीतमा उतारिएको छ । गीतको भिडियोमा अभिनेत्री पवित्रा आचार्यको एक्सन कट छ भने उनकै कोरियोग्राफी छ ।सुप्रिम पराजुलीको सम्पादन रहेको भिडियोलाई दिव्य सुवेदीले खिचेका हुन् । गीतमा नृत्य गर्ने कलाकारलाई सिल्क फेशनले पहिरन उपलब्ध गराएको छ ।शनिबार सो तीज गीतसँगै आधुनिक गीति संग्रह ‘अमर भावना २’को विमोचन गरिएको थियो । कार्यक्रममा उक्त एल्बममा समावेश एक आधुनिक गीतको भिडियो समेत देखाईएको थियो ।

हाल तीज गीतलाई मात्र इन्टरनेटमा रिलिज गरिएको छ भने आधुनिक गीत भने केही दिनमा सार्वजनिक गरिने बताईएको छ ।बसन्त निरौलाको निर्देशन तथा पवित्रा आचार्यको कोरियोग्राफी रहेको ‘तिम्रो शहर’ बोलको गीतमा गायिका सहिमा श्रेष्ठको स्वर तथा दिपक शर्माको संगीत छ भने गीतकार अमर वान्तुका शब्द छन् ।गीतको भिडियोमा नायक अनुप बिक्रम शाही र नायिका आँचल शर्माको अभिनय छ । विमोचन समारोहमा पूर्वमन्त्री एवं गीतकार एस।पि। कोईराला प्रमूख अतिथि थिए भने बरिष्ठ गीतकार राजेन्द्र थापा, चलचित्र निर्देशक दीपाश्री निरौला लगायतका व्यक्तित्वहरुको साथै संचारकर्मीहरुको उपस्थिती थियो ।

वृश्चिक राशि हुनेको न्वारानको नाम अनुसारको फल यस्तो हुन्छ

१. विशाखा नक्षत्रमा पर्ने नाम (तो)
जलतत्व राशि भित्र पर्ने यो राक्षस गण नक्षत्रको स्वामी वृहस्पती ग्रह हो । यसको राशि स्वामी मंगल भएकाले यि दुबै ग्रहमा पाइने तत्व र किरणहरु बाट व्यक्तिको नैसर्गिक गुण, क्षमता र स्वभाबको निर्माण भएको हुन्छ । रंगमा पहेंलो ,रातो फाप्ने ,सुहाउने हुन्छ भने भाग्य र अबसरको लागि सधैं उत्तर पूर्व दिशा अनुकुल हुने गर्छ ।

परिर्वतनको सोचले सधै क्रान्तिकारी भैरहने ,मनमा प्रेम भएपनि व्यवहारमा प्रस्तुत गर्न नजान्ने ,बोल्दा प्रस्ट र कठोर भाषा प्रयोग गर्ने, सधैं परिश्रमकै बलमा अगाडि बढ्न खोज्ने, इखालु ,असंन्तोषी ,एकलकांटे ,दुःख सहन सक्ने जिद्घी स्वभाबका हुन्छन् । सधैं गुप्त रुपमा कार्य गर्न रुचाउने यिनलाई प्रविधि र खेलको क्षेत्रमा विशेष सफलता मिल्छ ।

२. अनुराधा नक्षत्रमा पर्ने नामहरु (ना, नि, नु, ने)
जलतत्व राशि भित्र पर्ने यो देब गण नक्षत्रको स्वामी शनि ग्रह हो । यसको राशि स्वामी मंगल भएकाले यि दुबै ग्रहमा पाइने तत्व र किरणहरुबाट व्यक्तिको नैसर्गिक गुण ,क्षमता र स्वभाबको निर्माण भएको हुन्छ । रंगमा काला रातो फाप्ने, सुहाउने हुन्छ भने भाग्य र अबसरको लागि सधैं पश्चिम दक्षिण दिशा अनुकुल हुनेगर्छ ।

सधै बिचारलाई महत्व दिने जोसिलो शैलीबाट आफ्नो व्यबहार प्रस्तुत गर्ने, यान्त्रिक तथा प्राविधिक ज्ञान छिटो ग्रहण गर्न सक्ने ,भाबुक ,चञ्चल ,घुमाउरो पाराले शत्रु परास्त गर्न सिपालु, दुख देखि नडराउने ,पिडा सहन सक्ने क्षमता भएको, धेरै रिसाउने, एउटै खालको काम सधै गर्न नरुचाउने, इखालु जिद्धी ,मिलनसार ,खेलकुदका सौखिन यि व्यक्तिलाई यन्त्र संचालन, बजार प्रतिनीधि र अन्वेषणको क्षेत्रमा विशेष सफलता मिल्छ ।

३. जेष्ठा नक्षत्रमा पर्ने नामहरु (नो ,या ,यी ,यु)
जलतत्व राशि भित्र पर्ने यो राक्षस गण नक्षत्रको स्वामी बुध ग्रह हो । यसको राशि स्वामी मंगल ग्रह भएकोले यि दुबै ग्रहमा पाइने तत्व र किरण हरुबाट व्यक्तिको नैसर्गिक गुण,क्षमता र स्वभाबको निर्माण भएको हुन्छ । रंगमा हरियो ,रातो फाप्ने, सुहाउने हुन्छ भने भाग्य र अबसरको लागि सधै उत्तर पश्चिम दिशा अनुकुल हुने गर्छ ।

निडर ,जांगरिलो ,बोल्नमा माहिर , अरुमाथि चाँडै हाबी हुनसक्ने ,नेतृत्व ,इच्छा शक्ति र विश्लेषण क्षमता उच्च भएको ,शंकालु ,निर्मम ,छिटो रिसाउने ,गलत निर्णय गरेको खण्डमा पश्चताप पनि गर्न सक्ने ,सबैलाई मिलाएर लानसक्ने ,पर्यटन र खेलकुदमा बढि चासो राख्ने यिनलाई औषधी उपचार , छापाखाना र संचारको क्षेत्रमा विशेष सफलता मिल्दछ ।