“तोकिएकै मितिमा सेना लगाएर भए पनि मधेशमा चुनाव गराउँछु” झुठो साबित

“तोकिएकै मितिमा सेना लगाएर भए पनि मधेशमा चुनाव गराउँछु” भनी प्रमुख निर्वाचन आयुक्त
अयोधीप्रसाद यादवको नाममा केही संचारमाध्यमबाट प्रकाशित सनसनीखेज समाचारप्रति प्रेस काउन्सिल नेपालको गम्भीर ध्यानाकर्षण भएको छ ।

सो समाचार कपोलकल्पित, भ्रामक र सम्बन्धित व्यक्तिकै जानकारी बेगरको भनी प्रमुख निर्वाचन आयुक्तले आश्चर्यसहित गम्भीर आपत्ति प्रकट गरेका हुन्  ।

१९ वर्षपछि जनताले संघीय संरचनाअन्तर्गत पहिलोचोटी आफ्नो मताधिकार प्रयोग गर्न र स्थानीय सरकार छान्न गइरहेको यस ऐतिहासिक घडीमा समाचारको सत्यता, विषयवस्तुको गाम्भीर्यताप्रति पूर्ण सजग र अझ बढी सचेत रहँदै आफ्ना सूचना सामग्री पत्रकार आचारसंहिताको परिधिभित्रै रहेर सम्प्रेषण गर्नहुन सम्पूर्ण सञ्चारमाध्यम तथा सञ्चारकर्मीसमक्ष हार्दिक आह्वान गरि प्रेस बिज्ञप्ति द्वारा सचेत गराएका छन् ।