चेल्सीका ६ जना समर्थकलाई प्रतिबन्ध, एक जनालाई आजिवन

एजेन्सी । प्रिमियर लिगमा गएको वर्ष भएको खेलमा रंगभेदी शब्द प्रयोग गरेको आरोपमा लण्डन क्लब चेल्सीका ६ जना समर्थक प्रतिबन्धमा परेका छन्। ती ६ मध्ये एक जना चेल्सी समर्थकलाई आजीवन प्रतिबन्ध लागेको छ ।चेल्सीको मैदान स्ट्याम्फर्ड ब्रिजमा अघिल्लो वर्ष डिसेम्बर ८ मा भएको खेलमा घरेलु समर्थकले म्यान्चेष्टर सिटीका रहिम स्टर्लिङलाई रंगको आधारमा अपशब्द प्रयोग गरेको प्रमाणित भएपछि प्रतिबन्ध लगाइएको हो।

एक जनालाई आजीवन प्रतिबन्ध लाग्दा अन्य पाँच जनालाई पनि प्रतिबन्ध लगाइएको छ । प्रहरीले त्यस घटनालाई लिएर अनुसन्धान गरेको थियो । उनीहरुलाई अपराधसम्बन्धी कारबाही गर्नका लागि प्रमाण नपुगेकाले दुई वर्षसम्मको लागि प्रतिबन्धमात्र लगाइएको हो ।

यस घटनामा चेल्सीले पछि छुट्टै अनुसन्धान गरेको थियो । तर, क्लबले निर्णय लिन ढिलो भएको जनाउँदै प्रहरीको निर्णय मान्य हुने जनाएको छ । चेल्सीले ६ जना समर्थकले मर्यादा बिर्सेको जनाएको छ ।

यो पनि पढ्नुहोस

केनको निर्णायक गोलमा टोटेनहम फाइनलमा, रियल पुनः पराजित

एजेन्सी । इन्ग्लिश क्लब टोटेनहम प्रि–सिजन अन्तर्गत जर्मनीमा आयोजना भएको औडी कप फुटबलको फाइनलमा प्रवेश गरेको छ। मंगलबार राति भएको सेमिफाइनलमा स्पेनिस क्लब रियल मड्रिडलाई १–० गोल अन्तरले पराजित गर्दै टोटेनहम फाइनलमा पुगेको हो ।

एलिनाज स्टेडियममा टोटेनहमलाई जित दिलाउन कप्तान ह्यारी केनले निर्णायक गोल गरे । केनले खेलको २२ औं मिनेटमा गोल गरेका थिए ।रियलका मार्सेलोले दिएको ब्याकपासलाई नियन्त्रणमा लिँदै केनले निर्णायक गोल गरेका थिए ।अब टोटेनहमले उपाधिका लागि वायर्न म्युनिखसँग खेल्नेछ । उक्त खेल बिहिबार राति सवा १२ बजे हुनेछ।