सरकारले भोलि र पर्सि २ दिन काठमाडौं उपत्यकाबाट बाहिर जान दिने

काठमाडौं । सरकारले लकडाउनका कारण काठमाडौंबाट भोलि र पर्सि बाहिर जान दिने भएको छ । कोरोना नियन्त्रण तथा रोकथाम उच्चस्तरीय समितिको बैठकले काठमाडौं उपत्यकामा अलपत्र परेकालाई बाहिर जान दिने निर्णय गरेको हो । तर, उपत्यका बाहिरबाट भने काठमाडौं आउन दिइने छैन।

विश्वभरी कोरोना महामारीका रुपमा फैलिए पछि चैत्र ११ बाट लागुहुने गरी नेपाल सरकारले लकडाउन गरेको थियो । १ साताका लागि लगाइएको लकडाउन बढेर ३ साता पु¥याइएको छ । सरकारले गरेको निर्णय अनुसार लकडाउन खुल्ने समयावधि भनेको बैसाख ३ गते हो ।

लकडाउन लम्बिएपछि कतिपय मानिसहरु हिँडेरै गाउँ फर्किन थालेका छन् । विद्यार्थी तथा अनौपचारिक क्षेत्रमा काम गर्नेहरु गाउँ फर्किन चाहेकाले उनिहरुका लागि सहज गाराइदिएको समाचार स्रोतले बताएको छ ।

समाचार स्रोतका अनुसार काठमाडौं उपत्यकामा अलपत्र परेकाहरुलाई राजमार्गका विभिन्न स्टेशनहरुमा पुर्‍याइदिने निर्णय भएको छ ।

छोटो दुरीको हकमा कसरी जान दिने भन्ने बारे गृहमन्त्रालयमा गृहकार्य भइरहेको बताइएको छ ।