गुण्डा नाइके चक्रे मिलन समूह र प्रहरीवीच गोली हानाहान
सारांश
- काठमाडौं ।
- गुण्डा नाइके चक्रे मिलन समूह र प्रहरीवीच काठमाडौंको पेप्सीकोलामा गोली हानाहान भएको छ ।
- गोली लागेर चक्रे मिलनका एक सहयोगी घाइते भएका छन् ।
काठमाडौं । गुण्डा नाइके चक्रे मिलन समूह र प्रहरीवीच काठमाडौंको पेप्सीकोलामा गोली हानाहान भएको छ । गोली लागेर चक्रे मिलनका एक सहयोगी घाइते भएका छन् ।
शुक्रबार साँझ प्रहरीको टोलीमाथि चक्रे मिलन समूहका व्यक्तिहरूले पेप्सीकोलास्थित मनहरा खोला नजिकैबाटै गोली चलाएपछि दोहोरो फाइरिङ भएको एसएसपी दिवेश लोहनीले अनलाइनखबरलाई बताए ।
‘प्रहरीमाथि गोली चलाइएपछि हाम्रो तर्फबाट जवाफी फायरिङ हुँदा एक जना घाइते भएका छन्,’ एसएसपी लोहनीले भने- घाइते हुने व्यक्ति चक्रे मिलन ग्याङको भएको खुलेको छ ।’
प्रहरीको गोली लागेर घाइते हुने रामेश्वर गौतमलाई प्रहरीले नियन्त्रणमा लिएको छ । उनलार्इ घुँडामुनि गोली लागेको छ ।
पक्राउ परेका गौतमलाई उपचारका लागि वीर अस्पतालमा भर्ना गरिएको छ ।
गोली हानाहानमा सहभागी अन्यको खोजी भइरहेको प्रहरीले जनाएको छ ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया