राजनीति

कोमल वलीसहित ३ महिला राष्ट्रियसभा सदस्यमा निर्विरोध निर्वाचित

Shikharkhabar

बुधबार, माघ १०, २०७४

१२

१७ पटक हेरिएको

कोमल वलीसहित ३ महिला राष्ट्रियसभा सदस्यमा निर्विरोध निर्वाचित

Shikharkhabar

दाङ, १० माघ ।
राष्ट्रियसभा निर्वाचनका लागि आज मनोनयन दर्ता गरिएकोमा प्रदेश नं.
५ बाट महिला सिटमा चर्चित लोकगायिका कोमल वलीसहित ३ जना निर्विरोध निर्वाचित भएका छन् ।

दाङ, १० माघ । राष्ट्रियसभा निर्वाचनका लागि आज मनोनयन दर्ता गरिएकोमा प्रदेश नं. ५ बाट महिला सिटमा चर्चित लोकगायिका कोमल वलीसहित ३ जना निर्विरोध निर्वाचित भएका छन् । पाँच नम्बर प्रदेशबाट निर्वाचित हुने महिलाको ३ सिटमा ३ जनाको मात्र मनोनयन दर्ता भएपछि उनीहरु निर्विरोध निर्वाचित भएका हुन् ।

राष्ट्रियसभा सदस्यमा पाँच नम्बर प्रदेशबाट नेकपा एमालेका कोमल वली र मीना बुढा निर्विरोध निर्वाचित भएका छन् । त्यस्तै, नेपाली कांग्रेसकी अनिता देवकोटा पनि निर्विरोध निर्वाचित भएको निर्वाचन अधिकृत हेमन्त रावलले जानकारी दिएका छन् ।

मुख्य निर्वाचन अधिकृत हेमन्त रावलले यसको औपचारिक घोषणा माघ १५ गतेमात्रै हुने बताए । यो बीचमा कसैले उम्मेदवारी फिर्ता लिनसक्ने र कसैका विरूद्धमा दाबी विरोध पर्न सक्ने भएकाले निर्वाचन आयोगले १५ गते मात्रै त्यसको घोषणा गर्ने रावलको भनाई छ । पाँच नम्बर प्रदेशबाट ३ जना महिलाको कोटामा अरु कसैको उम्मेदवारी नपरेपछि तीनै जना महिला नेतृलाई बधाई दिन थालिएको छ ।