एनआरएनकोे आठौ विश्व सम्मेलन, हेर्नुस को–को भिड्दैछन् चुनावमा ?

आगामी २८ गतेदेखि शुरु हुने गैरआवासिय नेपाली संघ (एनआरएन)को आठौं विश्व सम्मेलनको चुनावी सरगर्मी बढेको छ । एनआरएनको विश्व सम्मेलनका लागि विश्वभर रहेका महाधिवेशन प्रतिनिधिहरु नेपाल आइसकेका छन् ।

यस पटकको चसम्मेलनमा एनआरएनको अध्यक्ष पदका लागि ३ जना चुनावी मैदानमा उत्रने भएका छन् । एनआरएनको अध्यक्ष पदका लागि अध्यक्ष शेष घलेले आफ्नी श्रीमती जमुनालाई अघि सारेका छन् ।

अध्यक्षका पदका लागि अध्यक्ष घले पत्नी जमुनासँगै एनआरएनका वर्तमान उपाध्यक्ष भवन भट्ट र टीबी कार्की समेत चुनावी मैदानमा उत्रने भएका छन् ।

भट्ट एनआरएनको दुई कार्यकाल सम्म उपाध्यक्ष भएका व्यक्ति हुन भने कार्की एनआरएनको सातौ विश्व सम्मेलनमा अध्यक्ष घलेसँग पराजित भएका व्यक्ति हुन् । अध्यक्षमा उम्मेदवारी दिएका भट्टलाई अर्का उपाध्यक्ष कुमार पन्तले सहयोग गर्ने भट्ट निकट श्रोतले बताएको छ ।

श्रोतका अनुसार भट्ट र पन्तबीच भएको भित्रि सहमति अनुसार यसपटक पन्तले अध्यक्षमा भट्टलाई सहयोग गर्ने र अर्को अधिवेसनमा भट्टले अध्यक्षमा पन्तलाई सहयोग गर्ने भएका छन् । भट्टलाई एनआरएन संरक्षक जीवा लामिछानेको पनि समर्थन रहेको छ ।

अध्यक्षमा उम्मेदवारी घोषणा गरेका भट्ट जापानको रेष्टुरेन्ट व्यवसायबाट आर्थिक क्षेत्रमा फड्को मारेका हुन् । नेपालमा सञ्चारमा क्षेत्रमा पनि लगानी गरेका भट्ट नेपाल पुर्वाधार कम्पनीको अध्यक्ष पनि बनिसकेका थिए । भट्टको लगानी रहेको बिबि एअरलान्स भने गति लिन नसकि बन्द अवस्थामा रहेको छ ।

अध्यक्षका अर्का प्रत्यासी टीबी कार्की एनआरएनको स्थापनाकाल देखि संस्थामा आवद्ध छन् । कार्कीको कतारमा निर्माण कम्पनी द बेच जनरल सर्भिस छ भने अध्यक्षमा उम्मेदवारी दिने तयारी गरेकी अध्यक्ष घलेकी श्रीमती जमुना अष्ट्रेलियामा धनाढ्य महिलाहरुको सुचिमा पर्छिन ।

घले अष्ट्रेलियाको प्रख्यात मेलर्बन इन्सिच्युट अफ टेक्नोलोजीको प्रवन्धक हुन् । घले अष्टे«लियामा ११ औं धनाढ्य महिलाको सुचिमा छिन् । घले दम्पतीको २ सय ६५ मिलियन डलर सम्पत्ती रहेको छ । एनआरएनको विश्व सम्मेलन आगामी २८ गतेदेखि ३१ गतेसम्म हुँदैछ ।