गाउँमै सरकारी सेवा, सयौ स्थानीय लाभान्वित
सारांश
- सलिम अन्सारी १७ माघ प्युठान ।
- प्युठानका सरकारी कार्यालयहरुले जिल्लाको विकट गाविस लुङ ६ बहानेमा पुगेर सरकारी सेवा दिएका छन् ।
- जिल्ला प्रशासन कार्यालय प्युठानको नेतृत्वमा गाउँ पुगेको एकिकृत घुम्ति शिबिरमा जिल्लाका सबै कार्यालयहरुले आ–आफ्ना कार्यालयका सेवा प्रवाह गराएका थिए ।
सलिम अन्सारी १७ माघ प्युठान । प्युठानका सरकारी कार्यालयहरुले जिल्लाको विकट गाविस लुङ ६ बहानेमा पुगेर सरकारी सेवा दिएका छन् । जिल्ला प्रशासन कार्यालय प्युठानको नेतृत्वमा गाउँ पुगेको एकिकृत घुम्ति शिबिरमा जिल्लाका सबै कार्यालयहरुले आ–आफ्ना कार्यालयका सेवा प्रवाह गराएका थिए । शिविरमा जिल्ला प्रशासन कार्यालय, कृषि विकास कार्यालय, जिल्ला पशुसेवा कार्यालय,जिल्ला आर्युबेदिक कार्यालय,महिला तथा बालबालिका कार्यालय जिल्ला स्वास्थ्य कार्यालय लगायतका सरकारी कार्यालयहरुले आ आफ्ना सेवा उपलब्ध गराएका थिए ।
शिबिरमा उत्तरी प्युठानका दुर्गम गाबिसहरु फोप्ली,डाम्री, लिघा, खबाङ, स्याउँलिबाङ र लुङ गरि ६ गाविसका सेवाग्राहीहरुले जिल्ला सदरमुकामबाट हुने सेवाहरु सहज ढंगले पाएका थिए । गाउँमै यसरी सेवा पाउँदा सर्वसाधारणलाई सहज भएको र सदरमुकाम जानुपर्ने बाध्यताको अन्त्य भएको स्थानीयले बताए । दुई दिन सम्म संचालन गरिएको शिविरमा जिल्ला प्रशासन कार्यालयबाट ४ सय ९८ जनालाई नागरिकता वितरण गरिएको थियो भने ५५ जनाले जेष्ठ नागरिक परिचय पत्र २७ जनाले अपाङ्ता परिचय पत्र, ३ सय १९ जना विभिन्न रोगका बिरामीलाइ निशुल्क स्वास्थय जाँच तथा निशुल्क औषधि सेवा प्रदान गरिएको थियो । त्यस्तै ७ सय ४ जना कृषकलाइ कृषि सम्बन्धी परामर्श तथा बीउ बिजन वितरण गरिएको थियो भने ३ हजार ४ सय ७ जना कृषकले पशुजाँच तथा औषधि र १ सय ५१ जनाले आयुर्वेद सेवा लिएको प्रमुख जिल्ला अधिकारी जनकराज पन्तले जानकारी दिनुभयो ।
एकिकृत घुम्ती शिविरका अवसरमा खानेपानी तथा सरसफाइ डिभिजन कार्यालयबाट खानेपानी समबन्धी बुरसियर प्रदर्शनी समेत गरिएको थियो ।
शिविरमा जिल्ला प्रशासन कार्यालयबाट नागरिकता महिला तथा बालबालिका कार्यालयबाट जेष्ठ नागरिक परिचय पत्र र अपाङ्ता परिचय पत्र, जिल्ला स्वास्थ्य कार्यालय र जिल्ला आयुर्बेद कार्यालयबाट निशुल्क स्वास्थ जाँच तथा निशुल्क औषधि सेवा,जिल्ला कृषि बिकास र पशुसेवा कार्यालयबाट कृषि तथा पशु सम्बन्धी परामर्श,औषधि र विभिन्न बिउबिजन प्रदान गरिएको प्रमुख जिल्ला अधिकारी पन्तले जानकारी दिनुभयो । उहाका अनुसार नागरिकलाई राज्यको पहुँच सहज ढंगले पु¥याउने उद्देश्यले शिबिर संचालन गरिएको हो । गाउँमै सहज ढंगले सेवा पाएपछि दुर्गम गाउँका सयौ सर्वसाधारणहरु लाभान्वित भएका छन् । सानो काम लिएर जिल्ला जाँदा घेरै झण्झटका साथै समय लाग्ने भएकाले गाउँमै सहज सेवा पाउँदा आँफूहरुलाई खुशि लागेको स्थानीयहरुले बताए । घुम्टी शिबिर जिल्लाका अन्य इलाकामा पनि संचालन गर्ने योजना रहेको जिल्ला प्रशासन कार्यालयले बताएको छ।
प्रतिक्रिया