एमाले उम्मेद्वार विश्वकर्माको गाडी तोडफोड !
सारांश
- आगामी मंसिर २१ मा हुने प्रतिनिधिसभाकाे निर्वाचनका उम्मेद्वारकाे गाडी अज्ञात समूहले तोडफोड गरेका छ ।
- कास्की निर्वाचन क्षेत्र नम्बर ३ का संयुक्त वाम गठबन्धका एमाले उम्मेद्वार जगत विश्वकर्माको गाडी अज्ञात समूहले तोडफोड गरेको हो ।
- एमालेका पोलिटब्युरो सदस्यसमेत रहेका विश्वकर्माले चुनाव प्रचारप्रसारका लागि प्रयाेग गर्दै आएको हरियो प्लेटकोे ग १ य ७२८ नम्बरको स्कारपियो जिप मंगलबार राती करिब सवा १० बजेतिर तोडफोड भएकाे थियाे ।
आगामी मंसिर २१ मा हुने प्रतिनिधिसभाकाे निर्वाचनका उम्मेद्वारकाे गाडी अज्ञात समूहले तोडफोड गरेका छ । कास्की निर्वाचन क्षेत्र नम्बर ३ का संयुक्त वाम गठबन्धका एमाले उम्मेद्वार जगत विश्वकर्माको गाडी अज्ञात समूहले तोडफोड गरेको हो ।
एमालेका पोलिटब्युरो सदस्यसमेत रहेका विश्वकर्माले चुनाव प्रचारप्रसारका लागि प्रयाेग गर्दै आएको हरियो प्लेटकोे ग १ य ७२८ नम्बरको स्कारपियो जिप मंगलबार राती करिब सवा १० बजेतिर तोडफोड भएकाे थियाे । निर्वाचन प्रचारप्रसारका लागि प्रयोग गरिएको उक्त गाडीको तोडफोडबाट पछाडिको शिशा फुटेको बिश्वकर्माले बताए । उनले भने, ‘चुनावका लागि घरदैलो गरेर आएका हामी साथीहरुसगै खाना खान थकाली भान्छा घरमा गएका थियौं । करिव ४० मिनेटपछि खाना खाएर बाहिर निस्कदा त गाडी फोडिएको देखे ।’
विश्वकर्माले गाडी कस्ले र किन फोर्यो भन्ने कुरा अहिलेसम्म पत्ता लाग्न नसकेको बताए । कास्की प्रहरीले यसबारे अनुसनधान सुरु भएको प्रतिक्रिया दियो । पोखराको व्यस्त बजारमा उम्मेद्वारको गाडी तोडफोडकाे घटनाले कास्कीमा सुरक्षा चुनाैती थपिएकाे उम्मेदवार विश्वकर्माले बताए ।
प्रतिक्रिया