१८ वर्षे भतिजा हराएपछि तनावमा विरेन्द्र, खोजी गरिदिन अनुरोध

काठमाडौं, पुस २९ । बिहान सामान्य अवस्थामा रहेका भतिजा घर फर्किँदा नभेटिएपछि विरेन्द्र चौधरी तनावमा छन् । उनले भतिजाको खोजी गरिदिन अनुरोध गरेका छन् ।

हराएका रितिकका बुवा आमा कञ्चनपुर जिल्लाको देखतभूलि निवासी हुन । उनका काका बिरेन्द्र भने सप्तरीको सिसवा बस्ने गर्छन् ।

काठमाडौंको सीतापाइला टौखेल क्षेत्रमा बस्ने ठेक्कापट्टाको काम गर्ने विरेन्द्र चौधरीका १८ वर्षीय भतिजा तीनदिन अघि हराएका हुन ।

विरेन्द्रले फोनमार्फत जनाएअनुसार, दिउँसो ३ बजेतिर झोला बोकेर रितिक घरबाहिर निस्केको कामदारहरुले देखेका थिए । ‘त्यसपछि उ फर्केन्, साइड भिर्ने कालो झोला थियो उसको । बिरेन्द्रले भने ।

विरेन्द्रले रामकोट प्रहरीमा छोरा हराएको खबर गरेपनि यसबारे भेटाउन सकिएको छैन । प्रहरीले तीनवटै जिल्लाका प्रहरीलाई खबर गरिदिन्छु भनेको बिरेन्द्रले बताए ।

यसअघि मानसिक समस्या देखिएपछि काठमाडौंकै एक मानसिक स्वास्थ्य सुधार केन्द्रमा उनले रितिकको उपचार गराएका थिए । ‘निको भएपछि घरमा नै बसेको थियो, अस्ति ३ बजे झोला बोकेर निस्केछ,’ बिरेन्द्रले भने ।

मान्छे हराएको सुचना
नाम-रितिक चौधरी
उमेर-18 बर्ष
फेला पार्नु हुने माहानुभावले यो नंम्बरमा फोन गरिदिनुहोला
9814734410 , 9849248234 , 9806407525 वा 9805260325