प्रधानमन्त्री ओलीलाई बुबाको ७ उपदेश

काठमाडौं, फागुन ११ । प्रधानमन्त्री केपी शर्मा ओलीको जन्मदिनको अवसरमा शुक्रबार बिहानै प्रधानमन्त्री निवास बालुवाटारमा बुबा मोहनप्रसाद ओली पुगे । कुटनीतिक नियोगका प्रतिनिधि र नेताहरुले घेरिएका प्रधानमन्त्री ओलीले बुबासँग भेट्न पनि समय पाएनन् ।

८८ वर्षीय बुबा मोहनप्रसाद प्रधानमन्त्री बनेका छोरा केपी ओलीलाई भेट्न पर्खिरहेका थिए ।
प्रधानमन्त्रीलाई जन्मदिनमा शुभकामना व्यक्त गर्न केक बोकेर पुगेका ठूलो हुलको बीचमै बुबा मोहनप्रसाद पनि छोरालाई जन्मदिनको शुभकामना दिन पर्खिरहेका छन् ।

छोरालाई जनमदिनको शुभकामना दिन नपाए पनि बुबा ओलीले प्रधानमन्त्रीको जिम्मेवारी सम्हालिरहेका छोरा केपीलाई ७ उपदेश दिएका छन् ।

दुखमा नआत्तिनू
सुखमा नमात्तिनू
विपतमा परेकालाई दया देखाउनू
सबै इष्टमित्र राख्नू
आफूलाई ठूलो नठान्नू
सबैलाई माया गर्नू
गरिब र धनीमा भेद नगर्नू