सामसङ कम्पनीका कर्मचारी दादागिरीमा लोकमान कार्की भने चाहिँ अख्तियारको आवशमा

आफूलाई सामसङ कम्पनीको कर्मचारी बताउने समूहले अख्तियार प्रमुख लोकमानसिंह कार्कीको घरमा म्याद (सूचना) टास्न रोकेको छ ।

नयाँ बानेश्वरस्थित कार्कीको घरमा पुगेको सर्वोच्च अदालतका तामेलदार नेतृत्वको टोलीलाई  सामसङ कम्पनीको कर्मचारी बताउने युवा र प्रौढको समूहले म्याद टास्न रोके । उनीहरुले आफूहरुले घर भाडामा लिएको बताउँदै म्याद टास्नै दिएनन् ।

केहीबेर बादविवाद गरेपछि तामेलदारको टोली म्याद टास्न नसकी फर्किएको हो ।

म्याद टास्न जानुअघि सर्वोच्चको टोली वडा कार्यालय पुगेको थियो । रोहबरका लागि बानेश्वर आउने बताएकी वडा सचिव सरिता राई पनि अन्तिम समयमा आउन नसक्ने भन्दै तर्किइन् ।
विवाद भएपछि तामेलदार टोलीले सर्वोच्चको प्रशासनमा सम्पर्क गरेको थियो । कार्कीको नियुक्तिसम्बन्धी मुद्धामा बहसका लागि बोलाउँदा आउन अस्वीकार गरेपछि घरमा म्याद टास्ने तयारी गरिएको हो । तर, पटक पटक प्रयास गर्दा पनि म्याद टास्न अवरोध हुँदै आएको छ ।
लोकमान भने अख्तियारको आवासगृहमा बस्दै आएका छन् ।