‘लौ हेर्नुहोस’ भन्दै गोरे आफैले खोले मास्क !

काठमाडौं,  ८ जेठ ।  गृहमन्त्रालयमा पत्रकार सम्मेलन गरी छानविन समितिले ३३ किलाे सुन काण्डका नाइके  सार्वजनिक गरेको हो ।

पत्रकार सम्मेलनमा उप्रेतीले प्रहरीले लगाइदिएको कालोपट्टी मुखमा लगाएका थिए । गोरेको हुलिया रातो क्याप, मुखमा कालोपट्टी, खइरो पाइन्ट, कालो टिर्सट, चप्पल अनि हल्का दाह्री रहेको थियो ।

सञ्चारकर्मीले छानविन समितिका सदस्यहरुलाई गोरेको माक्स खोलिदिन आग्रह गर्दा गोरे आफैंले  लो हेर्नुस् भन्दै माक्स खोलेका थिए । पत्रकार सम्मेलनकै क्रममा आक्रामक रुपमा गोरेले मास्क खोलेर आफ्नो अनुहार देखाएका थिए ।

गोरे काठमाडौंबाटै पक्राउः छानविन समिति

गृह मन्त्रालयमा आयोजित पत्रकार सम्मेलनमा छानविन समितिले गोरे काठमाडौं महानगरिपालिका७ गौरीघाटबाट पक्राउ परेको जानकारी दिएको हो ।

गृह मन्त्रालयका सहसचिवको नेतृत्वमा बसेको छानविन समितिका अनुसार गोरे काठमाडौं आएको गोप्य सूचनाका आधारमा पछ्याउने क्रममा विहान करिव ५ः ३४ बजेतिर काठमाडौं गौरिघाट क्षेत्रबाट पक्राउ गरिएको हो ।

अनुसन्धान समितिका संयोजक गृह मन्त्रालयका सहसचिव ईश्वरी पौडेलले विशेष संयन्त्र परिचालन गरी भारत तथा नेपालका विभिन्न क्षेत्रमा उनको खोजी भइरहेको र उनी काठमाडौँ आएको विशेष सूचनाको आधारमा मंगलबार बिहानै पक्राउ गरिएको बताए ।

गोरेलाई छिट्टै विराटनगर लगिने

सुन तस्करी र सनम हत्या काण्ड पेचिलो बन्दै गएपछि गत चैत २० गतेको मन्त्रिपरिषद् निर्णयअनुसार गृह मन्त्रालयका सहसचिव ईश्वरराज पौडेलको नेतृत्वमा सरकारी छानविन समिति बनेको थियो ।

यता सुनकाण्डबारे अनुसन्धान गर्दा धेरै बाधा अड्चन आएको संयोजक पौडेलले पत्रकार सम्मेलनमा जानकारी दिएका छन् ।

पत्रकार सम्मेलनमा संयोजक पोखरेलले पक्राउ परेका गोरेलाई जतिसक्दो चाँडो विराटनगर लगिने जानकारी दिएका छन् । अदालतमा विचारधिन विषय भएकाले यसतर्फ गम्भिरतापूर्वक लिइदिन पनि पौडेलले आग्रह गरे ।

मोरङ जिल्ला अदालतमा दर्ता भएको यो मुद्दाको मुख्य अभियुक्त पक्राउ पर्नासाथ मोरङ जिल्ला अदालतमा पुर्याउनेपर्ने कर्तव्य भएकाले यथाशाक्य छिटोभन्दा छिटो विराटनगर चलान गरिने उनले बताए ।