रोनाल्डोको नाममा नयाँ कीर्तिमान

पोर्चुगलका कप्तान क्रिष्टियानो रोनाल्डोले विश्वकप अनर्तगत स्पेनविरुद्धको खेलमा गोल गरेसँगै नयाँ कीर्तिमान आफ्नो नाममा लेखाएका  छन् ।

फिस्ट स्टेडियम सोचीमा शुक्रबार भएको खेलमा रोनाल्डोले स्पेनविरुद्ध २ गोल गर्दै ठूला प्रतियोगिताको आठ संस्करणमा गोल गर्ने खेलाडी बनेका हुन्।

रोनाल्डाले खेलेका युरो कपको चार संस्करण र विश्वकपको चारै संस्करणमा गोल सफल भएका हुन् । त्यस्तै रोनाल्डो विश्वकपको चारै संस्करणमा गोल गर्ने चौथो खेलाडी बनेका छन् ।

यसअघि युवे सिलेर, ब्रािजलका पेले र जर्मनीका मिरोस्लाभ क्लोजले चार संस्करणमा गोल गर्न सफल भएका थिए ।
२००४ को युरो कप पहिलो पटक खेलेका रोनाल्डोले त्यसपछि तीन संस्करण २००८, २०१२ र २०१६ मा गोल गरेका थिए । त्यस्तैे २००६, २०१०, २०१४ को विश्व कपमा गोल गरेका रोनाल्डोले यसपटक पहिलो खेलमै गोल गरेका छन् ।