भारतले माल्दिभ्सलाई पनि अघोषित नाकाबन्दी

नयाँदिल्ली- माल्दिभ्सको राजनीतिक नेतृत्व चीनतर्फ ढल्किएको भन्दै भारतले अघोषित नाकाबन्दी शुरु गरेको छ । दुई वर्ष अघि नेपालमा पनि भारतले यसैगरी अघोषित नाकाबन्दी गरेको थियो । भारत र माल्दिभ्सबीच चिसोपना आएपछि नयाँदिल्लीले टापु राष्ट्र माल्दिभ्समा पठाउँदै आएको दैनिक उपभोग्य सामग्रीमा कटौती गरी अघोषित नाकाबन्दी गरेको छ।

भारतको डिरेक्टोरेट जनरल अफ फरेन ट्रेड (डिजिएफटी) ले माल्दिभ्स निर्यात गर्दै आएको धान, आलु, प्याज र दाल निर्यातमा आधाभन्दा बढी परिमाण कटौती गरेको बिजनेस स्टान्डर्ड पत्रिकाले उल्लेख गरेको छ ।

भारतले गहुँको पिठो पठाउन छोडेको छ । माल्दिभ्सले आवश्यक पर्ने सबै खाद्य सामग्री भारतबाट आयात गर्दै आएको छ । चीनले माल्दिभ्सको पयर्टन र भौतिक संरचनाका क्षेत्रमा उल्लेख्य लगानी गरिरहेको छ । माल्दिभ्स चीनतर्फ ढल्किएपछि भारतले खाद्य सामग्री निर्यातमा कटौती गर्न थालेको हो ।