सप्तकोशी नदीको पानी पाँच बर्षयता कै ठुलो,ढोका खोल्न प्रशासन सँग माग

उदयपुर साउन ,३० । सप्तकोशी नदीको बुधबार बिहान १०-११  बजे बराहक्षेत्रको मापन अनुसार कोशी नदीमा दुई लाख ७२ हजार ७५० क्युसेक पानी मापन गरिएको हो ।मापन गरिएको क्युसेक पानी  पाँच बर्षयताकै सबै भन्दा बढी रहेको छ । उदयपुर र सुनसरी को बिच मा रहेको कोशी को पानी हेर्दा नै यो नै ४ ,५ बर्ष को ठुलो वाढी भयको उदयपुर कोशी किनार का बासिन्दा दिनेश खड्का ले बताए  ।

यो मापन कोशी ब्यारेज भन्दा फरक भएपनि सबै भन्दा बढी संम्बेदनशिल मापन बराहक्षेत्रलाई मानिन्छ । ‘बिहान ११ बजेको मापन अत्याधिक हो’ स्थानिय एवम कोशी विज्ञ रबिन घिमिरेले भने ‘पानीको सतह बढेर राजावास आसपास पानी नदी भन्दा बाहिर आएको थियो’ । पानीको डिस्चार्ज यति धेरै भएपछि राजवास, बराहक्षेत्र र प्रकाशपुरका स्थानियहरु त्रसित बनेका थिए । तर १२ बजे यता पानीको डिस्चार्ज घटेर दुईलाख ५२ हजार क्युसेकमा घटेको घिमिरेले बताए  ।

पूर्व को पहाडी क्षेत्रमा बर्षात रोकिदै गएको ले कोशीमा वहाव घट्ने बढ्ने क्रम जारी छ ।  घिमिरेका अनुसार बराहक्षेत्रको मापनलाई गम्भीर रुपले लिनुपर्छ, ब्यारेजको मापनले खासै असर पदैन । बराह क्षेत्रबाट बग्ने पानीको वहावले सुनसरीका भागमा कटान गर्ने भएकाले बराहक्षेत्र लाई संम्बेदनशिल मान्नु पर्छ ।

जिल्ला प्रशासन कार्यालय सुनसरीले पनि बराहक्षेत्रमा पानीको वहाव बढेपछि ब्यारेजको ढोका खोल्न ब्यारेज कन्ट्रोल रुमलाई आग्रह गरेको छ । यता ब्यारेजको २ बजेको मापन अनुसार ब्यारेजबाट दुईलाख ५ हजार ३८० क्युसेक पानी डिस्चार्ज भइरहेको छ ।