सिपिएल क्रिकेटः ४ खेलबाट सन्दिपको ७ विकेट, बलिङका धेरै विधामा सन्दिप शिर्ष ५ मा !
सारांश
- काठमाडौँ, ६ भदौ ।
- क्यारेवियन प्रिमियर लिग (सिपिएल) क्रिकेटमा नेपाली युवा स्पिनर सन्दिप लामिछानेले ४ खेलमा ७ विकेट लिएका छन् ।
- बुधबार भएको खेलमा सन्दिपले आफ्नो टिम एसटि किट्स एण्ड नेभिस प्याट्रियोट्सका लागि २ विकेट लिएपछि सन्दिप धरै विकेट लिने खेलाडीको सूचीमा ४ नम्बरमा परेका हुन् ।
काठमाडौँ, ६ भदौ । क्यारेवियन प्रिमियर लिग (सिपिएल) क्रिकेटमा नेपाली युवा स्पिनर सन्दिप लामिछानेले ४ खेलमा ७ विकेट लिएका छन् । बुधबार भएको खेलमा सन्दिपले आफ्नो टिम एसटि किट्स एण्ड नेभिस प्याट्रियोट्सका लागि २ विकेट लिएपछि सन्दिप धरै विकेट लिने खेलाडीको सूचीमा ४ नम्बरमा परेका हुन् । यस प्रतियोगितामा उनले ४ खेलबाट ७ विकेट लिइसकेका छन् ।
बुधबार भएको खेलमा नेभिस पेट्रियोट्सले एसटि लुसिया स्टार्सलाई ७ विकेटले हराएको थियो । ७० रनको झिनो लक्ष्य नेभिस प्याट्रियोट्सले मात्र ७ ओभर ४ बलमा ३ विकेट गुमाएर भेटायो । सन्दिपले लिएका २ विकेट मध्ये एक विकेट अष्ट्रेलियन अनुभवी खेलाडी डेविड वार्नरको थियो । मात्र २ ओभर बलिङ गरेका उनले १३ रन खर्चेर २ विकेट लिएका थिए ।
सन्दिप यस प्रतियोगिताको बलिङका धेरै विधामा शिर्ष ५ भित्र अटाएका छन् । मात्र ४ खेल खेलेका उनले ७ विकेट लिँदै विकेट लिनेको सूचीमा ४ नम्बरमा छन् भने ४ खेलमा १३ ओभर बलिङ गर्दै मात्र ६३ रन खर्चेर कम रन खर्चिने खेलाडीको सूचीमा २ नम्बरमा परेका छन् । उनी विश्वका उत्कृष्ट मानिएका खेलाडीहरु भन्दा पनि अगाडी रहेका छन् ।
नेपाली राष्ट्रिय क्रिकेट टोलि यतिबेला एसिया कप छनोट प्रतियोगिताको तयारीका लागि श्रीलंकामा रहेको छ । सन्दिप भने प्रतियोगिता खेल्न सिधै मलेसिया जानेछन् ।
प्रतिक्रिया