अवैध नेटवर्किङ संचालनमा एनआईसी एसिया बैैकका कर्मचारी पनि पक्राउ

अवैध नेटवर्किङ संचालन गरेको आरोपमा बैंकर्सदेखि चिकित्सकसम्म पक्राउ परेका छन् ।  क्यूनेट नामक नेटवर्किङ कम्पनीमा  संलग्न भएको आरोपमा एनआईसी एसिया बैंकका कर्मचारी सुमित मानन्धर, मनमाहेन अस्पतालमा कार्यरत डा.सिर्जना सिंह पक्राउ परेकी हुन् । उनीहरुसहित १४ जनालाई सिआईबीले ठगी मुद्दामा कारबाही अघि बढाएको छ ।   उनीहरुसहित एक सय २ जनालाई गत शनिबार केन्द्रीय अनुसन्धान ब्यूरो(सिआईबी)ले पक्राउ गरेको थियो ।   १४ जना  नाइके  भएको खुलेपछि उनीहरुविरुद्ध ठगी मुद्दामा कारबाही अघि बढाइएको  सिआईबीले जनाएको छ ।  पक्राउ परेकामध्ये सुमित श्रेष्ठ र श्वेता बस्नेत प्रमुख हुन् । उनीहरु दुवै सिए हुन् । त्यस्तै सेभ त चिल्ड्रेनका कर्मचारी किरण जोशी पनि पक्राउ परको छन् ।  विगतमा गोल्डक्वेष्टमा आबद्ध व्यक्तिहरुले नै क्यूनेटका नाममा यस्तो धन्दा गरिरहेको सिआईबीले जनाएको छ । बिदेश भ्रमणको प्याकेजका नाममा पिरामीड शैलीको नेटवर्किङ धन्दा चलाइएको थियो ।