पहिरोले स्कुल बगायो, बेनी बजार जोखिममा
सारांश
- म्याग्दी, २८ भदौ ।
- म्याग्दीको रघुगंगा नदीमा बाढी आउँदा एक विद्यालय भवन बगाएको छ ।
- छहरी भन्ने ठाउँमा पहिरोले रघुगंगा नदी थुनेपछि बुधबार साँझ आएको बाढीले रघुगंगा गाउँपालिका ८ घ्याँसीखर्कको रितुङ माध्यमिक विद्यालयको दुईवटा भवन, शौचालय बगाएको छ ।
म्याग्दी, २८ भदौ । म्याग्दीको रघुगंगा नदीमा बाढी आउँदा एक विद्यालय भवन बगाएको छ ।
छहरी भन्ने ठाउँमा पहिरोले रघुगंगा नदी थुनेपछि बुधबार साँझ आएको बाढीले रघुगंगा गाउँपालिका ८ घ्याँसीखर्कको रितुङ माध्यमिक विद्यालयको दुईवटा भवन, शौचालय बगाएको छ ।
बाढीले घ्याँसीखर्कस्थित स्वास्थ्य चौकीसमेत बगाएको छ । ३ झोलुङ्गे पुलमा क्षति पुगेको छ । करिब २० घर रहेको घ्याँसीखर्क गाउँ नदी कटानका कारण जोखिममा परेको छ । यसैगरी माथिल्लो क्षेत्रका विभिन्न ठाउँमा गएको पहिराका साथै रघुगंगा र कालीगण्डकी नदीमा आएको बाढीले तटीय बस्तीमा क्षति पु-याएको छ ।
सदरमुकाम बेनी बजार संरक्षणका लागि कालीगण्डकी नदीको किनारमा निर्माणाधिन पक्की पर्खाल बाढीले बगाएको छ । पक्की पर्खाल बगाएर बस्तीतर्फ कटान गर्न थालेपछि बेनी बजार उच्च जोखिममा परेको छ । राहुघाटको बस्ती र बेनी जोमसोम सडक अन्तर्गतको बेलिब्रिज कटानको जोखिममा परेको छ ।
प्रतिक्रिया