ठमेल पर्यटन परिषदको आयोजनामा ‘ठमेल सडक महोत्सव’ हुने
सारांश
- काठमाडौ ।
- ३९ औं विश्व पर्यटन दिवसको अवसरमा ठमेल सडक महोत्सव हुने भएको छ ।
- पर्यटन प्रवद्र्धनका उद्देश्यका साथ यहि असोज ११ गते ‘ठमेल सडक महोत्सव’ हुन लागेको हो ।
काठमाडौ । ३९ औं विश्व पर्यटन दिवसको अवसरमा ठमेल सडक महोत्सव हुने भएको छ । पर्यटन प्रवद्र्धनका उद्देश्यका साथ यहि असोज ११ गते ‘ठमेल सडक महोत्सव’ हुन लागेको हो । संस्कृति तथा नागरिक उड्डयन मन्त्रालयसंगको सहकार्यमा ठमेल पर्यटन विकास परिषदले पहिलो पटक ठमेल पर्यटन महोत्सवको आयोजना गर्न लागेको जनाएको छ ।
सोमवार पत्रकार सम्मेलन मार्फत आन्तरिक तथा बाहय पर्यटकका लागि महोत्सव आयोजना गरिएको ठमेल पर्यटन विकास परिषदका अध्यक्ष समिर गुरुङले बताए ।
सडक महोत्सवमा मौलिक सांस्कृतिक कार्यक्रम, विभिन्न परिकारका खाद्यान्न, पहिरन प्रदर्शनी तथा बिक्रीका साथै फुड फेस्टभलको समेत रहने जनाएको छ । साथै सडक महोत्सव र पर्यटन दिवसका अवसरमा ठमेलका होटलहरुमा २० प्रतिशत छुट समेत दिइने जनाएको छ ।
सो दिन राति अवेर सम्म ठमेलका सबै होटल र व्यापारिक केन्द्र पर्यटकका सेवा र सुविधाका लागि खोलिने छ । हरेक २७ सेप्टेम्वरलाई विश्व पर्यटन दिवसका रुपमा मनाउदै आईरहेको छ ।
प्रतिक्रिया