नेपालमा ‘ठग्स अफ हिन्दुस्तान’ इफेक्ट !

काठमाडौँ, १२ असोज । उच्च लगानीमा बनेको बलिउड चलचित्र ‘ठग्स अफ हिन्दुस्तान’ले नेपालमा पनि निकै चर्चा पाइरहेको छ । आमिर खान र अमिताभ बच्चन मुख्य भूमिकामा रहेको चलचित्र ‘ठग्स अफ हिन्दुस्तान’को ट्रेलर नेपाली युटुव ट्रेण्डिङ् नम्बर एकमा रहेको छ ।

विजय कृष्ण आचार्यको लेखन तथा निर्देशन रहेको चलचित्र ‘ठग्स अफ हिन्दुस्तान’को निर्माण आदित्य चोपडाले गरेका हुन् । चलचित्रमा अमिताभ र आमिर बाहेक कट्रिना क्याफ र फतिमा सना शेखको पनि अभिनय रहेको छ ।

अंग्रेजहरुको भारत प्रवेश र त्यसको विरुद्ध उठेको भारतिय आवाजको बारेमा बनेको चलचित्रको ट्रेलर निकै मन पराइएको छ । चलचित्रमा आमिर खानलाई हास्य पात्रका रुपमा उभाइएको छ । भने चलचित्रमा अमिताभ बच्चनले अंग्रेजको विरोधमा शसक्त आवाज उठाएका छन् ।

चलचित्रको ट्रेलरलाई एक दिनमा साढे दुई करोड पटक हेरिसकिएको छ । ठग्स अफ हिन्दुस्तान नाेभेम्बर ८ मा रिलिज हुँदैछ ।