‘दाङलाई क्यापिटल सिटीका रुपमा विकास गर्छौं’

काठमाडौं, २५ कार्तिक। नेकपा एमालेका स्थायी कमिटी सदस्य एवं प्रदेश सभाका उम्मेदवार शंकर पोख्रेलले दाङलाई क्यापिटल सिटीका रुपमा विकास गरिने बताएका छन्।

नेता पोख्रेलले प्रदेशको मध्य भागमा रहेको दाङलाई क्यापिटल सिटीका रुपमा विकास गरिने बताएका हबताउनुभएको हो ।

दाङलाई क्यापिटल सिटी, नेपालगञ्जलाई औद्योगीक र बुटवललाई पर्यटकीय नगरका रुपमा विकास गरिने प्रदेशनम्वर ५ को मुख्य मन्त्री पदका प्रस्तावित उम्मेदवार पोख्रेलले बताए।

५ नम्वर प्रदेशको विकासका लागि आफूले विस्तृत कार्ययोजना तयार पारेर चुनावमा होमिएको भन्दै नेपाल सरकारका पूर्व सूचना तथा सञ्चार मन्त्री समेत रहेका पोख्रेलले आफ्नो उम्मेदवारी सिंगो प्रदेशको समृद्धिका लागि भएको बताए।

निर्वाचन जित्नका लागि मात्रै नेकपा एमाले र माओवादी केन्द्रका बीचमा तालमेल नभएको भन्दै पोख्रेलले भने, ‘बाम गठबन्धनपछि देशी विदेशी शक्तिहरु अत्ताल्लिएका छन् । नेपाली कांग्रेसलगायतका दलहरुले निर्वाचन जित्नका नेकपा एमाले र नेकपा माओवादी केन्द्रका बीचमा तालमेल भएको भन्ने गलत प्रचार गरिहेका छन् । यो हल्ला मात्रै हो । निर्वाचन लगत्तै एउटै कम्युनिष्ट पार्टी बनाउने उद्देश्यले तालमेल गरिएको हो।‘