प्रहरी कार्यालय नजिकैकाे मालपोत कार्यालयमा तोडफोड

काठमाडौं, १४ असाेज।  मकवानपुर जिल्लाको उत्तरी क्षेत्रमा रहेको थाहा नगरपालिकास्थित मालपोत कार्यालयमा आइतबार अपरान्ह अज्ञात समूहद्वारा आक्रमण गरी तोडफोड गरेका छन् ।इलाका प्रहरी कार्यालय पालुङ नजिकै रहेको कार्यालयमा बिहान ११ः२० बजे करिब ७÷८ जनाको समुहमा आएको समूहले कार्यालय भित्र प्रवेश गरी अन्नधुन्न तोडफोड गरेर भागेको कर्मचारी रामचन्द्र लामाले वताए ।

तोफोड गर्न थाले पछि कार्यालयका कर्मचारीलाई प्रहरीलाई बोलाउन गएका थिए । अज्ञात समुहको आक्रमणमा चार थान कम्प्युटर साथै टेवुल, कुचिर्, दराजमा क्षति पुगेको छ । उनीहरुले कार्यालयको फाइल छरपष्ट पारिदिएका छन् । कार्यालयमा प्रवेश गरी करिव ५ मिनेट बरावरमा तोडफोड गरि आक्रमणकारीहरु थाहा–४ किटेनी तर्फ भागेको प्रत्यक्षदर्शीले बताए।  घटनास्थलवाट प्रहरीले एक थान मोवाईल फेला पारेको र खोजीकार्य जारी रहेको इलाका प्रहरी कार्यालय शिखरकोटका प्रमुख  धुर्व प्रशाद शिलवालले बताए ।