उदयपुर मा छुट्टाछुट्टै दुर्घटना मा २ को मृत्यु

गाईघाट ३०,असोज।उदयपुर मा हिजो राती र आज बिहान भएको छुट्टाछुट्टै दुर्घटना मा परी २ जना को मृत्यु भएको छ।आज बिहान ७.३० बजेको समयमा उदयपुर त्रियुगा ७  कौवाहीको काठे पुलमा नेपालटारबाट गाईघाटतर्फ  आउदै गरेको स ८ प ९८०८ मो.सा. अनियन्त्रित भई काठेपुल बाट खसी  दुर्घटना हुदा मो.सा. चालक उदयपुर त्रियुगा नगरपालिका  १३ बस्ने बर्ष ४५ को दिनेश पौडेलको घटनास्थलमै मृत्यु भएको छ भने सोहि मोटरसाइकलको पछाडी सवार उदयपुर त्रियुगा नपा १३ बस्ने बर्ष अ. ४५ को कुल बहादुर थापा गम्भिर घाईते भई उपचारको लागि जि. अस्पताल उदयपुरमा राखीएको जिल्ला प्रहरी कार्यालय का डीएसपी मेघराज अधिकारी ले बताए।

येस्तै उदयपुर कटारी न.पा.- ८ स्थित घुर्मी – कटारी सडक खण्डमा बेतिनी बाट कटारी तर्फ आउदै गरेको स १ ह १७२७ नं. को अटो आफै अनियन्त्रित भई सडक देखी तल खसी दुर्घटना भएको छ, अटो मा सवार जिल्ला महोत्तरी बर्दिबास ८ बस्ने बर्ष ३५ को नकुल लुङ्गेली मगरको मृत्यु भएको छ भने अटो चालक जि. उदयपुर कटारी न.पा. ४ बस्ने बर्ष २६ को धनकर्ण राई घाईते भई उपचारको लागी कटारी अस्पतालमा राखिएको प्रहरी ले जनाएको छ।

अटो सडक देखि अ . २०० मिटर तल खसेको थियो।