इतिहास रच्दै डा.दुर्गा, उनी बनिन् पहिलो एआर्इजी महिला

काठमाडौं । नेपाल प्रहरीको इतिहासमै पहिलोपटक महिला एआर्इजी बनेकी छिन् । एआर्इजी बनेकी प्रहरी अस्पतालमा कार्यरत डा. दुर्गा थापा हुन् । उनले प्रहरीमा यसरी विशिष्ट श्रेणीमा पुग्ने पहिलो महिला बनेर इतिहास रच्न सफल भएकी छिन् । एआइजी बनेकी थापा दन्त चिकित्सक हुन् ।

एक कार्यक्रमका बीच प्रहरी महानिरीक्षक सर्वेन्द्र खनालले दर्ज्यानी चिन्ह लगाइदिएका थिए । कात्तिक २५ गते बसेको मन्त्रिपरिषद निर्णयले प्राविधिक प्रहरी नायव महानिरीक्षकबाट प्राविधिक प्रहरी अतिरक्त महानिरीक्षकमा पदोन्नति गर्ने निर्णय गरेको थियो ।

प्रहरी महानिरीक्षक खनालले पदोन्नति भएकी थापालाई बधाई तथा शुभकामना दिएका छन् । उनले पदोन्नति पछि अझै बढी महत्वपूर्ण हुने भएकोले अस्पतालको व्यवस्थापन, स्तरोन्नतिका लागि काम गर्ने बताइन् । एआर्इजीका रूपमा अब उनीले प्रहरी अस्पतालको प्रमुखको जिम्मेवारीसमेत सम्हाल्नेछिन् ।

नेपाल प्रहरीमा यसअघि डिआर्इजी पदसम्ममात्र महिला पुगेका थिए । पार्वती थापा र विमला थापा सात वर्षअघि डिआइजीमा बढुवा भएका थिए । उनीहरूलाई विशेष पद सिर्जना गरेर डिआइजी बनाइएको र उनीहरूको अवकाश त्यसै पदबाटै भएको थियो ।

कार्यक्रममा प्रहरी अतिरिक्त महानिरीक्षक, प्रहरी नायव महानिरीक्षकहरु, प्रहरी वरिष्ठ अधिकृतहरु लगायतको उपस्थिति थियो ।