खाएर हात धुन निस्केका बालकलाई चितुवाले खायो
सारांश
- काठमाडौं ।
- तनहुँ ढल्केवरमा खाना खाएर हात धुन घरको आँगनमा निस्कँदा शनिबार राति चितुवाको आक्रमणबाट एक बालकको मृत्यु भएको छ ।
- तनहुँको भानु नगरपालिका–२ ढल्केवरका १० वर्षीय अमृत गुरुङलाई चितुवाले मारेको हो ।
काठमाडौं । तनहुँ ढल्केवरमा खाना खाएर हात धुन घरको आँगनमा निस्कँदा शनिबार राति चितुवाको आक्रमणबाट एक बालकको मृत्यु भएको छ । तनहुँको भानु नगरपालिका–२ ढल्केवरका १० वर्षीय अमृत गुरुङलाई चितुवाले मारेको हो ।
चितुवाको आक्रमणबाट घाइते भएका बालकको डुम्रेको एक अस्पतालमा उपचारका लागि लगिएको थियो । उपचारकै क्रममा बालकको मृत्यु भएको जिल्ला प्रहरी कार्यालय तनहुँले जनाएको छ । उनको घाँटीमा चितुवाको नङग्राले चिथोरेको थियो ।
खाना खाएर हात धुन घरको आँगनमा निस्केका गुरुङलाई चितुवाले तानेर लगेको थियो । छोरा घरभित्र नआएपछि बाबु माइला गुरुङले प्रहरीलाई खबर गरेका थिए । चितुवाको आक्रमणबाट बालकको ज्यान गएलगत्तै चितुवालाई नियन्त्रण लिन प्रहरी परिचालन गरिएको छ ।
प्रहरी र स्थानीयवासीको सहयोगमा खोजतलास गर्दा घरभन्दा तल खोल्सामा अमृतले लगाएको ज्याकेट भेटिएको थियो । खोल्साभन्दा तल अमृत घाइते अवस्थामा भेटिएका थिए ।
प्रतिक्रिया