प्रहरी चौकीनै असुरक्षित !

काठमाडाै, २१ मंसिर।  पर्यटकीय तीनजुरे(मिल्के(जलजले ((टिएमजे) क्षेत्रअन्तर्गत संखुवासभाको मादी नगरपालिका(१ स्थित चौकीबजारमा रहेको मादीमुलखर्क प्रहरी चौकीे भवन जीर्ण छ। भाडाको घरमा रहेको प्रहरी चौकीे भूकम्पका कारण क्षतविक्षत् बने पनि नयाँ भवन बनाउन कसैले चासो नदेखाउँदा प्रहरी आफैं असुरक्षित रूपमा बस्न बाध्य भएको हो। उक्त चौकीको आफ्नै भवन पनि द्वन्द्वकालमा तत्कालीन माओवादीले ध्वस्त पारेको थियो। तेह्रथुम र संखुवासभाको सीमाक्षेत्रमा रहेको प्रहरी चौकीमा दरबन्दीअनुसारका प्रहरीसमेत छैनन्।

चौकीमा चार मात्रै प्रहरी भए पनि तालीम, गोष्ठी र विदाका कारण अधिकांश समय दुई वा तीन जना मात्रै प्रहरी हुने गरेका छन्। प्रहरी चौकी निर्माणका लागि गाउँले नै बजार नजिकै जग्गासमेत उपलब्ध गराए पनि अझैसम्म भवन बनाउन चासो नदेखाएको स्थानीय उदयकुमार तामाङले बताए।उक्त चौकीले मादी नगरपालिका वडा नं १ र २ को निकै ठूलो क्षेत्रसम्म सुरक्षा प्रदान गरिरहेको छ।