मुख्यमन्त्रीद्वारा हेटौडा अस्पतालको निरीक्षण

हेटौंडा, २१ मंसिर । ३ नम्बर प्रदेशका मुख्यमन्त्री डोरमणि पौडेलले बिहिवार साँझ हेटौंडा अस्पतालको निरीक्षण गर्नु भएको छ । निरीक्षण पश्चात् मुख्यमन्त्री पौडेलले अस्पतालको सेवामा धेरै सुधार भएको भन्दै खुशी व्यक्त गर्नुभयो । वहाँले अस्पतालको इमर्जेन्सी वार्ड, प्रसुती वार्ड, ल्याब, एक्स रे वार्डलगायत अस्पतालको भित्रको अवस्था अवलोकन गर्नुका साथै त्यसअस्पतालमा प्रयोगात्मक कक्षाका लागि आएका नर्सिङका बिध्यार्थीसङग अस्पतालका बिषयमा जानकरी लिनु भएको थियो । बिद्यार्थीहरुले काठमाण्डौका विभिन्न अस्पतालमा काम गरेको बताउँदै हेटौंडा अस्पतालको सेवा सुबिधा राम्रो रहेको जानकारी दिएका थिए ।

यसैगरी मुख्य मन्त्री पौडेलले निर्माण भइरहेको भवनको अवलोकन समेत गर्नु भयो । दिनको समयमा भन्दा रातको समयमा काम हुँदा अवरोध कम हुने भन्दै रात्री कालिन कामको सुरुवात भएकोमा खुशी व्यक्त गर्नु भयो । अहिले अस्पतालको भवन निर्माण तीब्र गतिमा भैरहेको छ । प्रदेश सरकारले हेटौंडा अस्पताललाई मदन भण्डारी स्वास्थ्य बिज्ञान प्रतिस्ठानका रुपमा बिकाश गर्ने गरि प्रक्रिया पनि अगाडि लगिरहेको छ ।