‘इन्जिनियरको न्यूनतम पारिश्रमिक तोक्न सरकार सकारात्मक’

काठमाडौं । प्रधानमन्त्री केपी शर्मा ओलीले इन्जिनियरको न्यूनतम पारिश्रमिक तोक्न सरकार सकारात्मक भएको बताएका छन् । ओलीले देश निर्माणमा इन्जिनियरहरुको भूमिका महत्वपूर्ण हुने स्पष्ट पारे ।

नेपाल इन्जिनियर एशोसिएसनको अधिवेशनबाट विजयी भएकालाई बधाई दिंदै प्रधानमन्त्री ओलीले इन्जिनियरहरुको न्यूनतम पारिश्रमिक तोक्ने तयारी सरकारले गरेको बताए ।

“देश निर्माणका हरेक क्षेत्रमा महत्वपूर्ण भूमिका भएका इन्जिनियरहरुको न्यूनतम पारिश्रमिक तोक्न सरकार सकारात्मक छ” प्रधानमन्त्री ओलीले भने, “कोही बेरोजगार छ भन्दैमा उसलाई न्यून वेतनमा काम लगाउन पाइदैन । यो अवस्थाको अन्त्य गर्छौं ।”

प्रगतिशील इन्जिनियरस् एशोसिएसनले अध्यक्ष सहित बहुमत स्थानमा विजयी हासिल गरेकोमा बधाई दिंदै देश निर्माणको डिजाइनमा उपयोग गर्नुपर्ने बताए ।

“हामी समयलाई गाल्ने पक्षमा छैनौं” प्रधानमन्त्री ओलीले भने, “पाँच वर्षमा यसरी काम गर्छौं कि अर्को पटक दुई तिहाइ जनताले हामीलाई मत दिनेछन् ।”