राष्ट्रिय प्रजातन्त्र पार्टीले तोक्यो एकताकालागि ३ जना लाई जिम्मेवारी !

काठमाडाै, १६ जेठ । राष्ट्रिय प्रजातन्त्र पार्टीले सरकारले प्रस्तुत गरेकाे बजेटलार्इ विगतका बजेटहरुकै निरन्तरता र कर्मकाण्डी भएकाे बताएकाे छ ।

बुधवार प्रेस विज्ञप्ति जारी गर्दै राप्रपाले यस्ताे बताएकाे हाे ।

अध्यक्ष कमल थापाकाे अध्यक्षतामा बसेकाे केन्दिय कार्य सम्पादन समितिकाे वैठकले समान विचारधारा भएका व्यक्ति, समुह र दलहरुसँग एकता र सहकार्यका लागि प्रारम्भिक छलफल, सम्पर्क र समन्वय गर्नका लागि पार्टीका उपाध्यक्षद्वय  बुद्धिमान तामाङ्ग,  टंक ढकाल र महामन्त्री  राजेन्द्र लिङ्देनलाई जिम्मेवारी प्रदान गरेको छ ।

त्यस्तै राप्रपाले सशस्त्र द्वन्द्व कालमा कर्तव्य ज्यानमुद्धाको अभियोग लागी सर्वोच्च अदालतबाट अभियुक्त प्रमाणित भई सर्वश्व सहित आजीवन जन्मकैद सजाय पाएका बालकृष्ण ढुङ्गेललाई सरकारले गणतन्त्र दिवसका दिन गरेको रिहाईप्रति  दुःख व्यक्त गरेकाे छ ।

प्रवक्ता सुशील कुमार श्रेष्ठकाे हस्ताक्षर गरीएकाे विज्ञप्तीमा पार्टीको विभाग र समितिहरु गठन तथा पुनर्गठन गर्नका लागि उपयुक्त नामावली सिफारिस गर्न महामन्त्री श्री जयन्त चन्दको संयोजकत्वमा समिति गठन गर्ने निर्णय गरेकाे छ ।